حياة القاتل المتسلسل هيرمان ويبستر مدجت

تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)لطلب الترخيص يرجى التواصل معنا

هذا الشخص بنى قلعة كاملة مختصة فقط لتعذيب وقتل مئات الناس

والمشكلة ان مكان القلعة هي ما كان سري ولا مخبئ بل كان بنص المدينة عادية

طيب من هو هذا الشخص وليش عمل هالشي؟

اسمه H.H.Holmes ولد يوم 16 مايو سنة 1861 في منطقة اسمها gilmanton في امريكا، وهو كان وأول شخص امريكا في العائلة لان أمه وابوه اصلهم بريطاني، ولكنهم هاجروا من بريطانيا الى امريكا وهو كان اول شخص بيولد خارج بلادهم

طفولته كانت عادية جداً وطبيعية، وماكان في حدا يتشكي منه او يقول انه عنده تصرفات سيئة ابداً بالعكس كان معروف انه هادئ وطيب جداً مع الناس

هذا الاعتقاد كان عند الناس كلهم لانهم هاد الشي الي شايفينه من شخصيته فعلاً، ولكن هولمس كان يشتغل بتصليح الاحذية، صاحب المعمل الي كان يشتغل فيه كمان كان يشهد بان هولمس مجتهد جداً وبيشتغل بجد وطيب بس عنده صفة وحدة سيئة فيه

وهي حبه للمال، كان يحبه لدرجة أنه احياناً يسرق مصاري من جيب صاحب المعمل أو كان يطلب من الزبائن ضعف الأجرة الي لازم ياخدها على شيء معين حتى ياخد الزيادة أله

وللأسف حبه للمال كبر معه وكل الناس صارت تلاحظ هاد الموضوع

شيء ثاني كان ملاحظ جداً فيه هو أنه كان دائماً وحيد وما يختلط بأي شخص وماعنده اصدقاء لذلك كانوا كتير مستغربين انه هولمس تزوج من بنت اسمها كلارا سنة 1878 يعني كان عمره 17 سنة بس

اهل كلارا كانوا كتير مستغربين من علاقة بنتهم مع هولمس ولكن لانهم كانوا بيحبوا بنتهم صاروا يساعدوا زوجها الي هو هولمس حتى ييشتغل ويأمن مصاريف معيشته هو وكلارا وبناء على هذا الشيء هولمس بدء يشتغل بمتجر صاحبه بكون عم كلارا

على الرغم من انه حياته كانت نوعاً ما ماشية بشكل منيح الا انه ماكان حابب الشغل الي عم يشتغل وكان عنده شغف تجاه الطب وحابب يدرس طب في الجامعة، طبعاً اهله استغربوا انو من وين فجأة طلعتنا بشغلة الطب

مابحيتنا شفنا عندك ميول لهالاشياء.

وقتها حكالهم قصة كانت أول مرة بيسموعها عنه والقصة كانت مزعجة شوي الا انها كانت سبب حبه للطب

هولمس قال لاهله انو لما كان صغير في شخصين من حارته مسكوه واخدوه غصب على غرفة طبيب كانت موجودة عندهم، بعد ما دخلوه عالغرفة اجبروه على انه ينظر الى هيكل عظمي حقيقي كان موجود عند الطبيب هاد

طبعاً هن عملوا هاد الشي على اساس انهم يتسلوا فيه ويخفوه، وبالفعل خاف وبقيت هي الحادثة عالقة براسه لحد الآن

وكان دائماً يفكر بتفاصيل الهيكل الي شافه والجمجمة وكان مذهول بالشيء الي شافه وحابب يعرف عنه اكتر واكتر

بعد مرور سنين على الحداثة هي وبعد ما هولمس قرر يكمل مسيرته بالطب راح عند نفس الطبيب الي شاف الهيكل العظمي عنده لما كان صغير وبدء يشتغل عنده كمتدرب لحتى يتعلم بس

وبعتد سنة من التدريب عند الدكتور وايت هولمس دخل على جامعة اسمها فيرمونت في برلنغتون لما صار عمره 18 سنة

وبعد كلل هالحماس الي كان متحمسه ترك الجامعة بعد ما درس أول سنة والسبب كان انه الجامعة ما عجبتو، فبطل يدرس فيها، وبعد ما تركها بكم سنة وتحديداً سنة 1882 راح على ميشيغن بأمريكا وبدء بدراسة الطب والجراحة فيها

وفترة دراستوا في هي الجامعة حدث فيها اشياء غريبة جداً وهون رح تبدأ تطورات القصة

لما قرب وقت تخرجه من الجامعة فجأة في بنت بتجي وبتشتكي عليه للجامعة وبتقول انه هولمس وعدها انو يتزوجها وكذب عليها، وبهديك الفترة هي كانت جريمة فعلاً ويحاسب عليها القانون، فهاد الشي اخر من تخرجه

ولكن قدر بطريقة ما أنه يقنع الدكاترة انو البنت هي الي عم تكذب عليه، بس لحتى يتخلوه يتخرج لانو اذا هي التهمة كانت موجودة عليه مارح يخرجوه.

المهم قنع الدكاترة ببرائته وتخرج

بعد ما تخرج رجع عند دكاترته الي خرجوه، قلهم بتتذكروا قصة البنت هديك الي قلتكن عليها،؟ اي البنت معها حق انا وعدتها وضحكت عليها وعليكن بس لحتى اتخرج وهلا انا تخرجت روحوا بلطوا البحر

اضافة لهي الكذبة هولمس كان متفق مع مجموعة من اصدقائه في فترة الدراسة انهم يزوروا شهادة وفاة شي شخص بشكل عشوائي وبعدين يسلموا جثة مزيفة للمشفى لحتى يستفيدوا من المصاري الي رح تدفعه شركة التأمين لاقراب المرحوم

يعني كانوا يختاروا شخص بشكل عشوائي، وبعدين يعملوا شهادة وفاة مزورة، ويروحو على شركة التأمين يقولوا نحن اقارب هذا الشخص الي مات اعطونا الضمان

طبعاً هذا الشيء كان كله عبارة عن تزوير ولكن كان ينجح معهم

المهم بعد ما تخرج هولمس من الجامعة كان وقتها صار عندو ولد من زوجته كلارا، ولكن كلارا كانت تقول انو علاقتهم كانت جداً سيئة وانه هولمس كان يضربها ويعاملها بشكل سيء جداً، وكمان كان رافض انو يطلقها

مضي الوقت وصرنا في سنة 1885 وفي هي السنة هولمس انتقل من مشيغن الى شيكاغو، وهنيك بدء يشتغل في صيدلية كان يديرها دكتور اسمه هالتون هو وزوجته ولكن لما هولمس وصل لهنيك اخدها منهم

والطريقة الي قدر هولمس يحصل فيها على الصيدلية في عليها شكوك شوي لانو في روايتين للجزء هاد، الرواية الاولى بتقول انو الدكتور هالتون هو وزوجته كانوا كبار في السن لذلك هولمس قتلهم حتى ياخد الصيدلية

والرواية التانية بتقول العكس تماماً انو الدكتور هالتون وزوجته كانوا بالعشرينا من عمرهم وانو هولمس اشترا منهم الصيدلية بفلوسه

بعد فترة من حصوله على الصيدلية بطريقة ما، اشترى قطعة ارض فاضية موجودة على الطرف التاني للصيدلية يعنني في مكان قريب جداً وبدء يعمر عليها مبنى، هاد المبنى فيما بعد صار اسمه قلعة الموت او فندق الموت

هذا المبنى كان مؤلف من طابقين، الطابق الاولى كان يستخدم للبيع يعني هو محل بيدخلوا عليها زبائين والخخخ

والطابق التاني كان طابق سكني، هولمس تزوج مرة تانية وسكن في هاد الطابق هو زوجته الجديدة الي اسمها ميرتا بيلناب

وبعد خمس سنين من بناء الطابقين هدول، هولمس بنا الطابق الثالث الي المفروض انه يكون فندق او عبارة عن غرف يأجرها للناس

لما صار في ناس تجي على هدا المبنى صاروا يلاحظو انه هاد المبنى غريب كتير وفيه غرف مخفية، نعم غرف مخفية

وحدة من هالغرف كانت موجودة بين الطابق الأول والثاني بالنص يعني ولحتى توصل عليها لازم تروح على حمام بالطابق الاول وتفتح الجدار السري الي رح يوصلك للدرج الي رح ياخدك للغرفة السرية

وتبين في ما بعد انو المبنى كان فيه كتير غرف سرية مو بس غرفة وحدة!

وكان بس الاشخاص الي بيشتغلوا معه في هاد المبنى بيعرفوا بوجود الغرف، لانهم كانوا يشتغلوا معه بسرقة الأثاث، كانوا يسرقوا مفروشات ويخبوها في هي الغرف لحتى يبيعوها بعدين.

وكل اسبوع هولمس كان يطلع بشغلة جديدة، او بمعنى اخر عملية نصب جديدة,

وشغلة من الشغلات السرية الي كان يشتغلها بالغرف هي قتل الناس… نعم كان يخطف الناس يقتلهم وبعدين يبيعهم اغراضهم او اعضائهم .

الناس كانوا ملاحظين عمليات القتل الي عم تصير عندهم او عمليات الاختفاء خلينا نقول، لانو كان في اشخاص تختفي وما حدا يعرف عنها أي شيء، وماحدا اصلاً بيخطرله يشك ب هولمس لانه بكل بساطة بالنسبة الهم

هو مجرد رجل اعمال بنى بناء وعمله فندق واموره تمام

والامور كانت ماشي بشكل طبيعي بالنسبة اله، لحد ما ارتكب جريمة بضيحة فتحت العيون عليه

سنة 1889 هولمس وظف معه شخص اسمه ned conner، لحتى يشتغل معه في المبنى، وطبعاً لحتى يشتغل معه بالاشياء الي بسويها داخل المبنى لازم يسكن معه، بالطابق المخصص للسكن، تذكروا انو المبنى كان 3 طوابق، الاول كان متجر للبيع، التاني للسكن والثالث فندق

لذلك ned اجا لحتى يسكن عنده بالمبنى هاد وجاب معه زوجته جوليا وبنتهم الصغيرة perl

بعد فترة قصيرة ned وجوليا تطلقوا ولما تطلقوا هولمس حط عينه على جوليا، وحاول انه يتقرب منها لحد ما نجح بالموضوع

ولما صار في علاقة بين هولمس وجوليا، جوليا صارت تتورط معه بعمليات النصب الي كان يسويها، واستمرت جوليا بالعمل معه لحد ما في يوم من الايام جوليا وبنتها الصغيرة اختفوا بدون أي اثر

لما صارت الناس تسأل هولمس عن جوليا البنت صار يقول لهم انهم راحوا حتى يزورا اهلهم في منطقة تانية بعيدة ومن وقتها ماحدا رجع شاف جوليا

ضحية هولمس التانية قصتها كانت مشابهة لقصة جوليا

شاهد ايضاً : قصص رعب واقعية

اسم البنت كان ايملين، ايملين كانت تعمل سكرتيتة في مكتب مجاور لمبنى هولمس، ولما شافها هولمس عرض عليها ضعف راتبها مقابل انها تشغل معه وهاد الحكي كان سنة 1892

وطبعاً ايملين وافقت على هاد العرض لانو كان مغري بالنسبة الها انها رح تاخد ضغف الراتب مقابل نفس الشغل، لذلك راحت وصارت تشتغل معه، ومع الوقت علاقته تطورت وتحولت الى علاقة رومنسية

ولكن بعد فترة قصيرة جداً من علاقتهم مع بعض ايملين ماكانت راضية عن تصرفات هولمس وحاولت انها تبعد عنه، ولما بدء تتصرف بطريقة تحاول تخلص منها من هولمس، هولمس سبقها وخلص عليها

ومرة تانية في شخص بيختفي من الحارة بدون ما حدا يعرف عنه أي شيء

وبعد عدة اشهر هولمس تعرف على بنت كانت يتيمى ولكنها غنية، ووقعت في حب هولمس وبدئوا يشتغلوا مع بعض، والشيء الغريب بالموضوع الي خلا الناس تنتبه على شي غريب عم يصير عند هولمس، انو كل فترة بتجي بنت جديدة لحتى تشتغل معك

وفجأة هي البنت الي كانت جاي تشتغل بتصير تقول للناس انك تزوجتها وبعد فترة بتختفي

وهاد الشي تكرر مع اكتر من شخص،يعني الوضع غير مريح ابداً ابداً.

المهم انو بحلول سنة 1893 ميني البنت الغنية الي اجت تشتغل معه اختفت، وهالمرة ما اختفت لحالها، اختفت هي واختها.

بعد ست شهور من هذه الحادثة هولمس ترك شيكاغو وراح على دنفر وفي دنفر التقى بزوجته الرابعة والاخيرة والي كان اسمها جورجينا

لما هولمس تعرف على جورجينا، ما اعطاها اسمه الحقيقية، وقاللها انو اسمه h.m hawrd

طبعاً لما راح هولمس على دنفر كان بحاجة لمصاري لمصدر دخل

لذلك تواصل مع واحد اسمه بنجمين كان يشتغل معه من قبل وعارف كل مخططاته وطرف عمله، وقاله خلينا نزور وفاتك وننصب على شركة التأمين 10 الاف دولار

وطبعاً لانو بنجامين على معرفة بهولمس وطريقة شغله وافق بسرعة وكان واثق فيه، لذلك اتفقوا انهم يروحو على فيلادلفيا وينذفوا خطهم هنيك، وبنجمين قبل ما يطلع من بيته ويروح على موعد تنفيذ الخطة حكى مع بنته الكبيرة وقالها انو ممكن تسمعي خبر وفاتي قريباً، بس لا تخافي اذا سمعتي انا رح اكون بخير

بنجمين كان واثق من انه رح يرجع لولاده سالم غانم ومعه مصاري، ولكن هالمرةهولمس غدر فيه، وبدل ما يزوروا وفاته، هولمس قتله فعلاً وحرق جثته بعدها

وبعدها مشيت الخطة متل ما كان مخططلها، اجت شركة التأمين واعطت مبلغ 7200 دولار لأهل بينجامين حتى تغطي مصاريف موته

ولما هولمس عرف انهم استملوا المصاري راح لعندهم وقالهم ابوكن كان متدين مني مبلغ 5000 رجعولي ياه.

طبعاً الاهل اعطوه المبلغ بشكل طبيعي لانو كان عندهم امل انو ابوهن يرجع، لانه قلهم قبل ما يروح على كل شي وقلهم انو اذا سمعتو خبر وفاتي لا تخافوا

ولما سمع هولمس انو اولاد بنجامين بيعرفوا كل شي عن الشغل الي عم يعملوه ، قرر هولمس انو يقتل اولاد بنجامين، وللأسف فعلاً قدر يقتلهم بعد ما اخد البنتين وحبسهم داخل مقطورة ورماهم والولد الثالث سممه وحرق جثته

يوم 17 نوفمبر سنة 1894 بدءت نهاية هولمس

لانه في هاد التاريخ اعتقلته شرطة تكساس بتهمة سرقة خيول، ولكن لما اعتقلوه وبلشوا يحققوا معه بلشت التهم تزيد اكتر واكتر، لحد ما اتهموا بتهمة النصب عتلى شركات التأمين وهولمس اعترف فيها ما نكرها ابداً

وفجأة بدأت بقايا جثث اولاد بنجمين بالظهور وبدئت الشكوك تزيد حوالي هولمس وصار متهم بشكل رسمي بمقتل الاولاد هدول لانو هو اخر شخص كان معهم

خبر القبض على هولمز انتشر بالاخبار وكل الناس سمعت فيه، حتى الاشخاص الي كانوا يشتغلوا معه في المبنى الي عمروه لما سمعوا انو تم اعتقال معلمه صاروا يحكوا عن الغرف السرية الي بالمنبى واعترفوا بكل شيء، شافوه داخل المبنى

وبالفعل الشرطة راحت للمبنى وفتشوه ولكن ما كان في ادلة تدين هولمس، نعم الغرف السرية كانت موجودة ولكن ما كانت متل ما وصفوها الناس انها غرف تعذيب والخخخخ

وما قدروا يلاقوا فيها اي دليل ضد هولمس على ما يبدوا انه نضفها منيح قبل ما يطلع

المهم انو هولمس نكر كل التهم الي موجهة اله واعترف بتهمة واحدة بس والي هي قتل بنجمين ، قلهم انا قتلت هذا الشخص بس والباقي ما بعرف عنهم شي

وفي عام 1895 تم الحكم بالاعدام على هولمس لانه قتل بنجمين، ولكن لما كان هولمس عم يستنا حكمه يتنفذ قرر فجأة انه يعترف قبل ما يموت، واعترف ب27 جريمة قتل.

ولكن الشرطة ماكانت عارفة تصدقه او لا، لانو بعض الاشخاص الي اعترف انو قتلهم كانوا عايشين.

وكمان هولمس فجأة صار يغير اقواله، ويقول انه هو ملبوس وفي شيطان متلبسه وعم يخليه يحكي هاد الكلام

ولكن بكل الاحوال هولمس انعدم ومات، ولكن مات وهو تارك وراه اسألة كتير مالها اجوبة،متل انو وين النسوان الي كان يتزوجهم، لحد الان مالهم اي اثر ولا شافوا جثثهم ولا بيعرفوا عنهم اي شي

وهل فعلاً هو قتلهم ولا هو بريئ متل ما قال؟ للأسف مارح نعرف الحقيقية ابداً

وبالنسبة للمبنى الي بناه تم اهدامه سنة 1938

وبعد مية سنة تقريباً وفي سنة 2017 صدر قرار باستخراج جثة هولمس من تابوته ، بحجة انه هولمس هرب من الاعدام وانو الجثة الي موجودة داخل التابوت هي جثة مزورة متل ما كان يعمل قبل

وبالفعل تم استخراج جثته وعمل عليها تحليل دي ان اي وتبين انها جثته الحقيقة.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *