تحذير: يمنع إعادة استخدام المحتوى بأي شكل مرئي أو مسموع أو مقروء دون الحصول على ترخيص، تحت طائلة الملاحقة والحذف من يوتيوب و غوغل (سترايك)

لطلب الترخيص يرجى التواصل معنا

من داخل منزل جيفري دامر !

مجرم وقاتل متسلسل استمر بارتكاب ابشع انواع الجرائم على ضحاياه لمدة 13 سنة، مثل انه يقطع اعضائهم وطيطبخ لحمهم ويصورهم صور ويحتفظ فيها عنده… كيف تتوقع شكل بيت هذا المجرم يكون؟؟؟

رح احكي عن بيت المجرم او القاتل جيفري دامر ونشوف بعض الصور الي تم تصويرها من داخل بيته لما كان عم يحاول يخلص على ضحية من ضحايه داخل بيته!!!

ولكن بالبداية قبل ما نوصل لبيته لازم احكيلكن شوية تفاصيل عنه لحتى تفهموا سياق القصة.

مع انو على الأغلب كلكن سمعتوا في بعض التفاصيل عنه وخصوصاً بعد المسلسل الي انعرض على نتفليكس ولكن ممكن يكون في ناس ماسمعت عنه ابداً..

وبالمناسبة محتوى المسلسل الي انعرض على نتفلكس مأخوذ من رواية اسمها My Frinde Dahar والطريقة الي انعرضت فيها شخصية هذا القاتل هي مختلفة تماماً عن شخصيته الحقيقة….

بداية جيفري دامر

ولد جيفري دامر في سنة 1960 في عائلة أمريكية مشتتة جداً، أمه وأبوه كانوا دائماً في مشاكل مستمرة، والام كانت تشرب حبوب مهدئة بشكل مستمر.

والأب غالبأً بيكون برا البيت لانه كان بيشتغل ك كيميائي، ولما بيرجع عالبيت بترجع المشاكل بينه وبينه زوجته وماحدا سأل على جيفري ولا على أخوه الأصغر منه.

وغياب والديه عنه في عمر صغير جداً يعني أنو مافي أي حدا يشرحله ايش الشي الصح وايش الغلط لذلك نشأ على افكاره الغريبة الي مافي حدا يصححها.,

ومثال عن واحدة من افكاره الغريبة الي بدأ ينفذها في طفولته هي الاحتفاظ بالحيوانات والقوارض الميتة.

جيفري دامر

لما والده الكيميائي شاف اهتمامه الفئران الميتة اجا لعنده وعلمه كيف يحتفظ فيهن بدون ما يخربوا، واعتقد كانت نية الأب أنه يبدأ يحببه بالعلم والتجارب العلمية، ولكن جيفري دامر اخد المعلومات هي الي طريق تاني بعيد جداً عن طريق العلم.

وهاد الحكي كله صار لما كان عمر جيفري دامر 12 او 13 سنة، ونفس هي الفترة جيفري اكتشفه انه قوس قزح، وقرر انه يقتل ويعتدي على شخص كان يركض كل يوم في حارته الي ساكن فيه، وكان يفكر فيه افكار جنسية.

ولما وصل لعمر 14 جيفري دامر صار مدمن كحوليات، لانو خلال هي الفترة الزمنية الي كانت تقدر ب 5 سنوات امه وابوه تطلقوا، والأم اخدت ابنها الصغير وراحت وجيفري دامر بقي مع والده، ولكن والده قرر انه يعمل دكتوراه في اختصاصه في محافظة غير المحافظة الي ساكن فيها، وفعلاً وقتها راح وترك جيفري دامر لحاله

شاهد أيضاً: قصص واقعية من الحياة

شاهد أيضاً: تجربة النوم الروسية

أول جريمة للقاتل جيفري دامر

في سنة 1978 يعني لما كان عمر جيفري 18 سنة ارتكب أول جريمة في حياته، الضحية كانت شخص اسمه ستيف هيكس وكان عمره 19 سنة.

جيفري عزمه لعنده على البيت على اساس انهم يتسلوا مع بعض ولكن لما وصل ستيف على بيت جيفري حس انه في شي غلط بالموضوع!

لذلك ستيف كان بدو يطلع من البيت ويروح لانو ما كان مرتاح، بس جيفري ما سمح له بانه يطلع من البيت، مو بس هيك، لما اصر ستيف انه يتركه ويطلع من البيت، جيفري هجم عليه وضربه بدامبل وزنه 4.5 كيلو لحتى مات، بعد ما قتله عمل شيء تاني، صار يتصرف تصرفات شاذة…. ما بقدر اوصفلكم كل شيء لان بصراحة التصرفات مقززة ورح احوال اخلي الوصف نظيف قدر المستطاع

وبعدها وعمل فيه متل ما كان يعمل بالفيران بس بشكل مخيف وعنيف أكتر، لانه هاد انسان مو فارة.

بعد ما جيفري قطع اعضاء ضحيته اخدهن ودفنه في حديقة بيته، بعدين رجع طالعهن واخد العضم وحلل او صهر اللحم بالأسيد.

ثاني جريمة للقاتل جيفري دامر

ثاني جريمة ارتكبها جيفري كانت بعد 9 سنين من الجريمة الأولى، وخلال فترة ال9 سنين هي جيفري راح يخدم بالجيش، ولكن تم طرده بسبب أدناه على الكحول.

ولما رجع من الجيش راح سكن في بيت جده، والشرطة اتقوله اكتر من مرة بسبب تصرفات شاذة كان يسويها في أماكن عامة، وبسبب انه كان ينكش القبور ويتصرف معها تصرفات غير لائقة.

والما جدته عرفت المواضيع هي طردته من بيتها.

ثالث جريمة للقاتل جيفري دامر

سبتمبر 1987،اجيفري ارتكب جريمته التالتة الي حرفياً مو طالع من قلبي اوصف الشي الي عمله حرفياً مجرد التفكير في هاد الشي، لحاله يمكن يخليني اشوف كوابيس من هون للاسبوع الجاي، وللأسف انا قريتها. رح احاول ولكن للأسف مافي طريقة ما اطرح فيها تفاصيل قوية،

باختصار مسك ضحيته وفتح رأسه وصب فيه ماء مغلي….. ومارح احكي تفاصيل أكثر من هيك

المشكلة انو بعد كل جريمة بيرتكبها جيفري، بيرفع مستوى الشي الي عم يعمله، يعني ما اكتفى بالقتل والتقطيع والاعتاء الجنسية بس

بل هالمرة صار يصور الضحايا بوضعيات مختلفة ويحتفظ بالصور في بيته… وصار يشرب الدم وياكل لحوهم.

جيفري طبق كل الاشياء الي ذكرناها على ضحاياه ال17، في مرة من المرات الشرطة شكوا فيه وكانوا رايحين يقتحموا بيته ويفتشوه ولكن قدر جيفري بتصرافته الهادية، وشخصيته الي بتبين لطيفة للناس يخدع الشرطة وما يخليهن يدخلوا على بيته…

لحد ما ضحية الاخيرة قدر يهرب منه ويروح يشتكي للشرطة….

القاء القبض على جيفيري دامر

يوم 22 يوليو 1991، في شرطي بالشارع شاف شخص عمره 32سنة و اسمه تريسي ادوارد، هاد الشخص كان عم يركض بالشارع بشكل مجنون وواضح انه هربان من شي، وكان في بأيده كلبشة ايد

راح تريسي لعند الشرطي وقلن في شخص اسمه جيفيري دامر موجود في البيت رقم 213، استدرجني لعنده عالبيت وبعدين حاول يقتلني ويعمل فييني اشياء ما بتنحكى.

لذلك الشرطي راح معه على بيت جيفري وشاف بيت جيفري الي هو عبارة عن مسرح جريمة مليئ ب بقايا الضحايا

فالشرطي، كان مستغرب كتير من الموضوع البيت ريحته طالعة وفعلاً حس انو في شي مو طبيعي، فسأل ادروارد ليش جيت لعندوا عالبيت؟

ادوارد قال للشرطي انو شاف جيفري في سوبر ماركت وقتها جيفري اجا لعنده وقله انه هو بيشتغل مصور وحابب اصورك صور عارية مقابل 100 دولار، وقال انه كان باين عليه شخص لطيف وظريف، لذلك وافق وبعد ما خلصوا تصوير قله امشي لعندي عالبيت اعزمك على مشروب مع بعض

وراح معه على اساس يشربوا والعياذ بالله

أول ما دخل ادوارد عالبيت شاف انو في ادواد حادة كتير مبحترة بالبيت مثل منشار مثلاً، مطرقة وكتير اشياء تانية وبعدها جيفري طلب من ادوارد انه يلتفت على حوض السمك وجيفري راح جاب سكين وصار يهدده فيها

صورة من منزل القاتل المتسلسل جيفري دامر

وكمان لبسه الكلبشة في ايديه

وبعد ما كلبشه حاول انه يعتدي عليه جنسياً ولكن ادوارد قاوم وصار في بينهم صدام وعراك بعدين استلم للأمر الواقع

وبعد مدة قصيرة ادوراد طلب انه يروح للحمام، لحتى يقضي حاجة وتعذب لبين ما اقنع جيفري يتركه ولكن بالاخير اقتنع وراح للحمام

واأول ما وصل هرب من الشباك الي بالحمام وطلع يركض لحد ما وصل لعند الشرطي الي حكى معه وجابه عالبيت

ولما وصل الشرطي وبدأ يحكي مع جيفيري أول شي سأله عن مفتاح الكلبشة الي في ايد ادوارد لحتى يفكها من ايده

وج جيفري قال ان المفتاح في غرفة النوم .

دخل الشرطي على غرفة النوم وشاف فيه سكينة كبيرة محطوطة على السرير، وكمان شاف درج كان فيه صور غريبة لأشخاص بوضعيات أغرب.

وواضح ان المكان الي مصوره فيه الصور هي، هو نفس البيت الي موجودين فيه حالياً يعني بيت جيفري دامر

جيفري خاف لما شاف انو الشرطي شاف الصور لذلك حاول يهرب، ولكن كان فيه شرطي تاني موجود برا قدر يمكسه وما خلاه يهرب، وكمان الشرطة طلبوا دورية تانية لحتى تدعمهن

بالوقت الي كانوا عم ينتظروا فيه الدعم يوصل، الشرطي دخل يكمل تفتيش بالبيت، ومتل ما قلتكن كان في ريحة بشعة جداً فايحة بالبيت والريحة كانت عم تقوى اكتر بالمطبخ

دخل الشرطي المطبخ وفتح البراد وشاف فيه في راس كامل لواحد من ضحايا جيفري كان مقطوع ومحطوط بالبراد.!!!

وكان في طناجر فيها بقايا دماغ او لحم مطبوخ وكتير اشياء مقززة … وقال الشرطي انهم عثروا على بقايا 11 شخص من الضحايا موجودين في بيته

طبعاً بقايا واجزاء بسيطة لانو جيفري كان يقطع كل ضحاياه.

حالة البيت كانت مخيفة جداً لدرجة انه كل اعضاء الشرطة الي دخلوا على البيت اضطروا انهم يروحوا لجلسات علاج نفسية لحتى يتخلصوا من الصدمة الي اجتهن بسبب المناظر الي شافوها في بيت جيفري

الشرطة اخدوا جيفري عالتحقيق وجيفري اعترف بكل شيء، التحقيق او الجلسة الي جلسوها معه استمرت 6 ساعات وخلال ال6 ساعات جيفري اعترف بكل شي اعترف انه قتل 16 شخص ستة منهم كانوا في فترة قصيرة جداً في سنة 1991

المحقق الي كان عم يسمع كلامه كان مصدوم وقال مستحيل هالكلام يكون صح، مستحيل في انسان يعمل هيك أكيد هاد عم يكذب ، ولكن للأسف كل الادلة كانت بتأكد انو الكلام الي عم يحكيه جيفري صحيح مية بالمية

القاتل المتسلسل جيفري دامر
القاتل جيفري دامر

وفاة جيفري دامر

المحكمة حكمت جيفري بالسجن المؤبد أو تحديداً 941 سنة، وتنقل كتير من سجن الى سجن وكان يتشغل بتنظيف الحمامات بالسجن، وخلال السنين الي قضاها بالسجن جيفري قرر يتوب، وطلب من اهله يجيبوله انجيل لحتى يقرأه، وييتوب ويصير متدين….

وحياته مشيت على هالأساس لحد يوم 28 نوفمبر 1994 في سجين من السجناء تهجم عليه وقتله… وقتها تم العثور عليه مقتول في الحمام، اول ما شافوه ماكان ميت عالاخير، ولكن كانت حالته صعبة جداً

لذلك اخدوه على المشفى وتم اعلان وفاته بعد ساعات قليلة

وسبب الوفاة كان ضربات قوية على الرأس!

طيب مين الشخص الي ضربه ولش ضربه؟

هاد الشخص اسمه كريستفور سكارفر، وكان موجود مع جيفري بنفس السجن، وباليوم الي مات فيه جيفري، كان كرسيتفور وشخص تاني معه مكلفين بتنظيف صالة الرياضة، وجيفري مكلف بتنظيف الحمامات، ووقتها اشتبك كريستفور مع جيفري والشخص الثاني، وسبب الشجار كان انو كريستفور كان غاضب من جيفري انه تاب وصار متدين، فكريس ماتقبل هالفكرة، شلون هيك بعد كل هالجرائم جاي تحسب على واخد قطعة حديدة من عدة الرياضة الي كان عم ينضفها وقتل الشخصين,

الشخص الذي قتل جيفري دامر

مصدر: 1

اترك ردّاً