أخطر مخلوقات منظمة SCP! معلومات عن SCP-1471

قبل ما نتعرف على معلومات اخطر مخلوقات منظمة SCP لازم نعرف أول شيء ، ما هي منظمة SCP ؟

Secure, Contain, Protect أو المعروفة باسم منظمة scp هي منظمة يقال انها منظمة سرية مختصة بملاحقة المخلوقات الغريبة الموجودة على الكرة الارضية، مو بالضرورة يكون مخلوق اي شيء غريب ممكن يسبب ضرر على البشرية من وجهة نظرهن، رح ياخدو وويعملوا عليه تجارب ( اضغط هون لحتى تقرأ مقال تعريفي كامل عن منظمة SCP)

مخلوقات منظمة SCP

طبعاً متل ما قريت بالعنوان يا صديقي ان المخلوق SCP – 1471 يعد من اخطر مخلوقات منظمة SCP وأكيد في اسباب لهذا الشيء، وأولها لازم تتم مصادرة جوال الشخص الي فيه صورة المخلوق SCP – 1471 وضعها في مكان بعيد جداً بالإضافة إلى إزالة بطارية الجوال لحتى ما تتحول حياة هذا الشخص الى جحيم!

ما هو المخلوق SCP -1471 ؟

SCP – 1471 هو عبارة عن تطبيق مجاني للجوالات، واسمه في متاجر التطبيقات MalO ver1.0.0 وهي الكلمة تعني ان هذا التطبيق هو تطبيق ضار، وهذا التطبيق لا يوجد له مطور يعني هو مطور نفسه وعنده ميزة منع الحذف، يعني بمجرد ما وصل التطبيق على جوالك مستحيل أنك تقدر تحذفه مهما حاولت.

الشيء الي يخوف أكثر هو أن التطبيق ما له رمز أو ايقونة أو اي شيء ممكن تعرف من خلاله أن التطبيق موجود في جوالك، وبعد حوالي 3 ساعات من تثبيت التطبيق على جوالك رح تصير تستلم رسائل غريبة من اشخاص وهمية وهي الرسائل تحتوي على صور المخلوق SCP -1471، وشكل هذا المخلوق يشبه شكل الإنسان ولكن بجمجمة كلب كبيرة.

بعد أول يوم من تثبيت تطبيق SCP -1471 في جوالك رح يصير يرسلك صور لأماكن أنت تعرفها وزايرها من قبل وبعد تاني يوم رح يرسلك صور من أخر الاماكن يلي رحت عليها انت (متل السوبر ماركت الي اشتريت منه الخبز أخر مرة) وبعد تالت يوم رح يرسلك صور الك مصورها في كاميرا جوالك وانت تستخدمه وأنت مارح تكون موجود لحالك بالصورة، رح يكون المخلوق SCP -1471 موجود معك في نفس الصورة، الي انت ما بتقدر تتحكم فيها ولا تحذفها ولا تحذف التطبيق الي عم يرسلك الصور لانك أصلاً مو شايف التطبيق وما بتقدر تعرف اذا هو موجود عندك أو لا.

واذا استمريت بمشاهدة صور المخلوق لأكثر من 90 ساعة رح تصير تشوفه قدامك بمكان حقيقي معك بالغرفة ورح تصير تشوفه على انعكاس كل زجاج ممكن تشوفه في حياتك وفي حال استمريت بمشاهدة صوره ممكن يحاول المخلوق يتواصل معك ويحكي معك، واعتقد انه مو لصالحك أبداً أن SCP -1471 يتواصل معك.

اذا كنت انت شخص سريع البديهة وقدرت تتخلص من صوره قبل 90 ساعة رح ترتاح منه ومارح تواجه مشاكل ابدا معه، ولكن اذا استمريت بمشاهدة صوره لاكثر من 90 ساعة، يؤسفني أن اقلك انك رح تبقى تشوفه معك طول حياتك.