يوم 10 سبتمبر سنة 2025 قاتل مجهول نفذ أغرب عملية اغتيال في التاريخ وقتل الصحفي تشارلي كيرك
وكان كاتب رسالة مخفية على فارغة الرصاصة الي قتله فيها، رسالة مستحيل تتوقعها مها كنت ذكي، لانو حتى المحققين وقوات الأمن استغربوا منا
اش هي الرسالة مين هو القاتل؟ تابع معي للنهاية لتعرف
هلأ ممكن يكون في عدد منكم ما بيعرف مين هو تشارلي لذلك رح اعطيكم نبذة سريعة عنه
تشارلي كيرك هو صحفي وناشط سياسي امريكي من مواليد سنة 1993
انشهر الفترة الاخيرة بشكل كبير في امريكا من خلال مناظراته الي كان يعملها مع الشباب في امريكا
وكان يستهدف طلاب الجامعة اكتر شي لانو متل ما بيقولوا هنن الجيل الصاعد الجديد الي رح يغير العالم
وبنفس الوقت هنن اكتر فئة من الناس عقولهم مخربة بافكار الشذوذ والالحاد والنسوية والامور هي والعياذ بالله
فهو كان يناقش الشباب ويثبت انهم على حق… طبعاً بنفس الوقت كان عندوا افكار تانية متطرفة لا يمكن ان يتم الاتفاق معها ابداً
لذلك ما رح اتكلم عن مواقفه لانه هو مو موضوعنا بل موضوعنا الطريقة الي انقتل فيها رسالة القاتل السرية
في صباح يوم الاربعاء 10 سبتمبر تشارلي كان عنده مناظرة في جامعة اسمها يوتاه فالي
تشارلي وصل على موعده وكالعادة الشباب والبنات كلهم كانوا متجمعين والناس وبدأ مناظرته كالمعتاد
فجأة بتجيه رصاصة من بعيد بتصيبه برقبته وبموت مباشرة وهي اللحظة كانت مصورة
من الفيديوهات كان بيظهر القاتل وهو واقف على سطح بيبعد حوالي 130 متر عن المكان الي كان قاعد فيه تشارلي
مباشرة بعد ما اطلق النار الاف بي اي بدأت تبحث عنه وعرضوا مكافئة قيمتها 100 الف دولار لأي شخص بيجيب معلومات عن القاتل
وبدأ بعدها بجمع فيديوهات وصور من كاميرات المراقبة وقدروا يتعرفوا على شكله مباشرة!
مع ذلك مضيت أول 24 ساعة وماقدرت الاف بي اي تقبض عليه، مع العلم انهم مسكوا 2 مشتبه بيهم واطلقوا صراحهم بسرعة
طبعاً في هاد الوقت الشرطة كانت عم تفتشت في كل مكان وقدروا يلاقوا السلاح الي تم اطلاق الرصاص منه في غابة او منطقة مليئة بالاشجار بس ما عثروا على القاتل
ساعات قليلة وبيظهر شب اسمه تايلور روبنسون وبيقول لولاده انو هو الشخص الي قتل تشارلي
ووالد تايلور هو ضابط بالشرطة فبالتالي تايلور اضطر انه يسلم نفسه للشرطة بعد ما قال لولاده انه هو المجرم
وكمان شافوا رسائل فيه الخطة الي رح ينفذها روبنسن بعد ما يرتكب جريمته كان بعتها لصديقه على الديسكورد
الخطة كانت انه رح ياخد السلاح من مكان معين وبعديه يتركه في كومة عشب او اشجار
وبعدها يترك المكان ويغير ملابسه
وبالفعل كل هالكلام صار
وفي صباح يوم الجمعة ظهر حاكم ولاية يوتاه المكان الي صار فيه الجريمة وقال هاد الكلام
وبعدها كمان شافوا الرصاصات الي كان عم يتسعملها روبنسن في جريمته وكان مكتوب عليها رسائل متل
خذها ايها الفاشي
او بيلا تشاو بيلا تشاو
والاغرب كانت اذا انت عم تقرأ هي الرسالة فأنت شاذ
الموضوع كبر لدرجة ترامب طلع وتكلم عن الموضوع لانو تشارلي كان معروف انه موالي لترامب بشكل كبير
بس الى الان روبنسن ما تحكام ولا تم التاكد من الادلة مية بالمية هو حالياً معتقل وبانتظار انهم يتاكدوا من الادلة ويثبتوا التهمة عليه
بعدين يحاكموه
