قضايا تم حلها: اليوم رح نرو رحلة على قارة افريقاً الجميلة، وتحديداً على مدينة جوهانسبرغ، المدينة الي في ولدت فيها كاربو موكينا في تاريخ 27 مارس 1995، (امها اسمها لورين او المعروفة باسم لولو ووالدها اسمه مكريجني)
عائلة كاربو كانت عائلة مترابطة جداً وكلهن بحبوا بعض ودائماً بيساعدوا بعض، والاشخاص القريبين من كاربو كانو يقلوا انها شخص كريم كتير ولطيف وذكي، وفي سنة 2014كاربو تخرجت من الثانوية وبدأت دراستها بتخصص ادارة الاعمال وفي نفس الوقت كان عندها شغف او كانت اخدها على عاتقها انها تنشر الوعي بخصوص حقوق المرأة وكانت كل ما يصحلها فرصة يكون في تجمع او كذا تروح وتجتمع مع البنات وتوعيهن وتحكي معن بخصوص هالموضوع
وفي سنة 2016 يعني لما كانت سنة تانية بالجامعة تعرفت على شخص اسمه ساندلن مانسو، ساندل كان تاجر بورصة او يشتغل بالفوريكس، وحالته المادية كانت ممتازة وحتى انه كان عندو شركة اسمها تريليون دولار ليغاسي، وبحسب كلام كاربو وقتها قالت انه شخص وسيم ودين وذو اخلاق حميدة مع انو كان عنده 3 اولاد بس كان منفصل عن زوجته واولاده ( كان عمره 29 سنة) ولكنه كان عايش حياة سعيدة جداً عنده مصاري كتير عنده سيارات اكتر وعايش بأفخم البيوت والخخخ
فبناء على هذا الشيء لما كاربو شافت انو هاد الشخص حالته المادية ممتازة جداً وصار وتعرفت عليه بالصدفة وبحسب كلامه انه شخص متدين وخلوق قررت ترتبط فيه لانها كانت معجبة فيه وبشخصيته، وهاد الاعجاب ما كان من طرف واحد ساندلن كمان اعجب بشخصيتها كتير والجماعةن حبو بعض وبعد شهر واحد من ارتباطهن كاربو تركت بيت اهلها وراحت تعيش مع ساندلن في بيته
وبعد شهر واحد من الوقت الي انتقلت فيه كاربو للعيش مع ساندلن اكتشفت انها تورطت لانو الشخص الي كانت مفكرته ظريف ولطيف طلع خبيث وعنيف، في اواخر سنة 2016 صار في جدل بينه وبينها والجدل انتهى بأنو ساندلن ياخد موابايل كاربو ويكسره بعد ما دفشها عالحيط، وبعد 3 اشهر يعني في شهر مارس 2017 الدفشة هي تحولت الى ضربة وصارت كاربو تشكي همها لاصدقائها وتبعتلن صور اثار الضرب وجروح الي سببلها ياهن ساندلن
وللأسف حالة كاربو النفسية ماكانت كتير منيحة، خصوصاً لما تتزكر انو هي شخص من الاشخاص الي بدافع عن حقوق المرأة وضد العنف للمرأة وفجأة بتلاقي حالها بموقف تعنيف سيئ جداً
وفي يوم 27 مارس يعني يوم عيد ميلادها، اتصلوا فيها اهلها لحتى يعايدوها بعيد ميلادها ولكن ماكانت تجاوب على جوالها، والسبب انها كانت بالمشفى لانو ساندلن كسرلها جوالها مرة تانية وضربها ضرب قوي لدرجة انو حالتها صارت بحاجة الى مشفى، ولما عرفت امها بالموضوع وراحت عالمشفى شافت انو كان في اثار ضرب على رقبتها وجها وتحت عينها
وفي هاد الوقت صار شيء غريب جداً ماكنت متوقعه والي هو انو كاربو راحت عالشرطة لحتى ترفع دعوة على ساندلن لانو عم يضربها ويعنفها، لما وصلت بتفاجئ انو ساندلن رايح قبلها على الشرطة وهو رافع عليها دععوة
وبعد ما خلصت امور المشفى والدعوة تركت ساندلن ورجعت تعيش مع اهلها ويؤسفني ان اقلك انو القصة هلأ بلشت ما تفكرها خلصت
بعد اسبوعين الشرطة اسقطت القضايا لحالها او مارضيوا انو يشتغلو فيها قالولن عنا امور تانية نشتغل فيها مالنا فاضين نضيع وقتنا بمشاكل عشاق حلو مشاكلكن الشخصية لحالكن، وسكروا الموضوع من عندهن، بالبداية الموضوع كان مزعج جداً بالنسبة ل كاربو ولكن قررت انها تكمل حياتها عادي وتنسى الموضوع، ووقتها راحت مشوار هي وصديقتها على مقهى او بار موجود بالمنطقة الجو كانو حلو قاعدين عم يشربوا والموسيقى شغالة والامور كلها تمام وفجأة بيدخل ساندلن على نفس البار الي موجودة فيه
مع انو صديقتها حاولت انو تمنعها ولكن للأسف كاربو رجعت تحكي مع ساندلن وبالتدريج رجعت ترجع علاقتها معه، وفي يوم 27 ابريل 2017 كاربو بتتصل مكالمة بأمها الي اسمها لولو او لورين وبتقلها انو انا رايحة مشوار مع ساندلن
الأم كانت رافضة الموضوع تمامً وحاولت تمنعها ولكنها كانت مصرة تطلع معه، ولما طلعوا راحو على البار الي بيقعدوا فيه كل مرة وبالبار رجع صار بينها مشكلة صاروا يتشاجروا مع بعض ومع كل هالشي كاربو تصرفت تصرف غير قابل للتفسير ابداً والي هو انها بعد ما خلصوا الشجار الي كان بينهن بالبار رجعت مع ساندلن على بيته، ولما وصلوا على المبنى كان فيه كاميرة مراقبة صورتهن وهنن طالعين من المصعد وكان واضح ملامح الانزعاج على كاربو، وللاسف هاد الفيديو هو اخر فيديو بتنشاف فيه كاربو عايشة
يوم 28 ابريل لولو والدة كاربو كانت متوترة كتير وقلقة على بنتها لانو من الليلة الماضية ماسمعت اخبار عنها وكانت تحاول تتصل فيها وتبعت رسائل بس مافي جواب، لذلك لولو اتصلت بساندلن ووقتها كتير انصدم من الاتصال المهم انها اتصلت لحتى تسأله عن بنتها وهو جاوبها ما بعرف راحت من عندي امبارح بليل
وفي نفس الوقت هاد اخت كاربو راحت على المبنى الي ساكن فيه ساندلن لانه كان مبنى كتير مشهور ومعروف اسمه سانتون سكاي، أول ما وصلت على المبنى سألت العمال الي بشتغلو هنيك متل حار الباب وكذا، سألتن عن كاربو اذا شافوها أو لا
بالأول كان جوابهن لا، بس بعد شوي طلع عامل نظافة وقال انو شاف جواز سفر وهوية شخصية بأسم كاربو كانو مرمين بسلة الزبالة انتو اكبر القدر، والسلة هي كانت موجودة بالغرفة الي جنب المصعد، يعني الغرفة الي دخلت عليها كاربو بالفيديو تبع كاميرا المراقبة
لحد الان مافي اي معلومات عن كاربو ولولو راحت بلغت الشرطة انو بنتها مختفية، وللأسف تحركات الشرطة كانت بطيئة جداً، خلال هالفترة صار شيء غريب جداً لولو رجعت اتصلت بساندلن مرة تانية، وصارت تسأله وين بنتي ايش عملتلها ومن هاد الكلام، جاوبه كان مثير للشكوك جداً، قلها مابعرف وين بنتك وانا ما قتلتها!
مع انو هي ما جبتله سيرة القتل ابداً الا انو لحاله صار يقول انا ما قتلتها
شاهد ايضاً : أشهر قاتل متسلسل في أمريكا! (قاتل النساء!)
تابعني على اليوتيوب اسم القناة سكطعش
كمان في شي غريب شافه صديق لساندلن لما زاره بالبيت وهو سجادة كبيرة ملفوفة ومبلولة ومرمية بالمطبخ، لما صديقه سأل عنها قاله البراد خرب وسرب مي على السجادة لهيك لفيتها
هون وصلنا لتاريخ 30 ابريل واخيراً الشرطة قررت تتحرك وتحقق بالموضوع، واول شي عملوه راحو على بيت ساندلن لانو بيعرفوا انو كاربو كانت عنده اخر مرة واهلها حكو التفاصيل للشرطة، لما وصلو عالبيت ساندلن ما كان موجود فاتصلوا فيه وقلن انو هو برا المدين ورح يرجع بعد الضهر، فماعندهن حل غير انهن ينتظروا
وبوقت الانتظار هاد الشرطة راحت وطلبت من الحارس تسجيلات كاميرا المراقبة، والتسجيلات هي كانت ملياانة ادلة او خلينا نقول مقاطع تزيد الشكوك فيه، لانو في يوم 28 ابريل بعد ما اختفت كاربو بيوم واحد ، ساندلن طلع من البيت وهو معه سلة زبالة كبيرة طلع فيها لبرا وبعد عشر دقايق رجع والسلة نفسها واخدها معه على الكراج الي بيكون بالطابق الارضي وبعدها شغل سيارته وراح
المهم انو ساندلن رجع عالبيت والشرطة بلشت تحقيق معه، وبلشن ساندلن يغير اقواله اذا بتتزكروا اول مرة اتصلت لولو فيه قلها انو كاربو ما نامت عنده وتركته وراحت بعد ما طلعو من البار
هلا لما اجت الشرطة غير اقواله وصار يقول انو كاربو راحت سافرت على بريطانيا
وطبعاً كل كذبه انكشف اولاً من خلال فيديوهات الكاميراً ، وتانياً من جواز السفر الي كان مرمي بالزبالة، شلون رح تسافر على بريطانيا بدون جواز سفر؟؟ وقتها وقع ساندلن والشرطة اخدته وبلشوا يستجوبه
وللأسف بعد ساعة تحقيق واحدة فقط ساندلن اعترف انو كاربو ماتت واعترف انه فعلاً تخلص من جثتها وكان راميها بمنطقة بتبعد حوالي 7 كيلو متر عن المنطقة الي كانوا فيها لما راحوا الشرطة على المكان الي دلن عليه للاسف الشي الوحيد الي كان موجود هو بقايا من كاربو، ولما اخدو البقايا واخدو منها تحليل دي ان اي اكتشفوا انو دي ان اي ساندلن فعلاً موجود وقتها اعتقلوه بتهمة القتل
وخلال التحقيق وبعد ما عرف ساندلن انو تورط غير اقواله شي اربع مرات، قصة من القصص الي حكاها قال انو هو رجع عالبيت ولما دخل شاف كاربو مية فقرر انو يتخلص من جثتها لحتى ما يتهموه الناس انو هو قتلها ، ومرة قال انو هو وكاربو دخلو بطقوس شيطانية وتعاملو مع شيطان لحتى يخليهن اغنياء وشرط من شروط تحقيق الغنى هاد انو شخص منهن يضحي بحياته ، وكاربو هي اختارت انها تضحي بحالها
هلا وصلنا لمرحلة صرنا منعرف انو ساندلن معه مصاري كتير وعنده معارف كتير وحاول كتير بكل قوته وماله انو يأجل المحمكة قدر المستطاع ولكن بالاخير وصل اليوم الي رح يوقف فيه بالمحكمة قدام القاضي وبهاد اليوم ساندلن رجع غير اقواله بخصوص الطقوس الشيطانية قال لا مافي شي من هاد انا بس رجعت عالبيت لقيتها ميتة وصار يحكي مع الصحافة ويقول انو انا كنت شخص جيد معها انا ساعدتها بحياتها ومابعرف ايش بس يبدوا انو جيت بوقت غلط وهلا كل المصايب صارت علي
واخيراً في بداية شهر مايو 2018 تم الحكم على ساندلن بالسجن لمدة 32 سنة مع عدم القدرة على الافراج عنه تحت اي شرط
الغريب انو في كل الفيديوهات والمقابلات وحتى بالمحكمة بعد ما حكموه ما كان حاسس بالذنب او ندمان او خايف او اي شعور تاني ماكان في عنده اي شعور كان كل شي طبيعي بالنسبة اله
