تجربة روزنهان
تخيل حالك انك شخص عاقل ما عندك أي مشاكل نفسية او عقلية، في مكان مليئ بالمرضى الي عندهم كل المشاكل الي انت ما عندك ياها… تماماً هي هيه التجربة الي عملها ديفد روزنهان.
ديفيد روزنهان هو دكتور في جامعة ستنافورد، هاد الدكتور كان عنده شكوك في أداء الدكاترة المسؤولين عن الأمراض العقلية،فقرر انو يعمل تجربة لحتى يختبر كفائتهم، هل الدكاترة عندهم قدرة فعلاً انهم يفرقوا بين الشخص المريض والشخص الي بيتظاهر انه مريض؟ وهي التجربة هي تجربة روزنهان، نسبة لأسم الدكتور الي عملها.
بدأ ديفيد روزنهان يشتغل على التجربة وجمع اشخاص منهم ٣ نساء و٥ رجال.(طبعاً ديفيد نفسه كان من ضمنهم، راح معهم لحتى يتظاهر بالمرض) الاشخاص هدول راحو على ١٢ مشفى مختص بالأمراض النفسية، كانو يروحو على المشافي ويقولوهم انو نحن عم نسمع اصوات، اصوات بشرية في راسنا عم تقولنا Empty dull thud “فارغة” أو “جوفاء” أو “جلجل” استخدموا هي الكلمات لحتى يحاولوا يقنعوا المشفى انو عندهم مشكلة وجودية.
واخيراًواحد من المشافي الي راحو عليها قبل انه يدخلهم على المشفى على اساس انهم مرضى.. ولكن الي عملوه ديفيد والاشخاص الي كانو معه انهم بعد ما دخلو على المشفى وصاروا بين المرضى، بدأو يتصرفوا بشكل طبيعي تمامً، يعني ما عاد يمثلو انهم مرضى رجع تصرفهم متل ما هو لما كانو برا المشفى
مع انو رجعو يتصرفوا بشكل طبيعي، الا انو الأطباء شخصوا حالة الكل ب أنفصام الشخصيية، ما عدا شخص واحد، تم تشخيص حالته على انها اضطراب ثنائي القطب، وحتى انهم بدأو يوصفولهم أدوية ويعاملوهم على اساس انهم مرضى انفصام شخصية. متوسط الوقت الي كانوا يضلوا فيه فالمشفى حوالي ١٩ يوم وبعده بيتم تخريجهم على اساس انهم مرضى، وبيجبروهم على بالاستمرار على شرب الادوية الي وصفوها.
بعد ما انتهى روزنهان من التجربة وطلع هو والاشخاص الي كانو معه من المشفى، صار يحكي عن التجربة للناس، ووصف الاشخاص الي المفروض هنن دكاترة لازم يهتموا بالمريض ويساعدوا بعدم الانسانية، اولاً لانو ولا شخص قدر يحس او يعرف انهم اشخاص عاقلين ومافيهن مشاكل، وانو ما كان في دكتور او ممرض يهتم فيهم او يحكي معهم او يحاول فعلاً انو يساعدهم
كان متوسط الوقت الي يقضيه الدكتور مع المريض بالكلام هو حوالي ٦٫٥ دقيقة، وكانو يجوا بس لحتى يعطوهن الدوية بس او لحتى يتاكدو من شي معين. ماكان حدا يهتم فيهم بل. كانو يعماملوهم بطريقة غير انسانية ابداً…وان مشافى الامراض النفسية هي عبارة عن مخزن بيجمعوا فيه الاشخاص الي المجتمع مابدو يتفهمن، وبهي الطريقة الناس الي بتجن، بتجن داخل المشفى مو خارجه
