الطفل بوريسكا
شخص عاش لفترة طويلة في كوكب تاني قبل ما ينولد بالكرة الاأرضية، وهاد الكوكب هو كوكب المريخ، في ناس اقتنعت بكلام هاد الولد، وفي ناس لا، ولكن مع مرور الوقت وتطور الاحادث في الكرة الأرضية حتى الأشخاص الي كانو مكذبينه ومو مصديقين كلامه بدأو يقتنعوا.
الطفل بوريسكا (أو المعروف بأسم بوريسكا أسمه الأصلي طويل خلينا على بوريسكا أحسن) من مواليد سنة ١٩٩٦، هاد الولد من اول ما اجا على الحياة وهو عنده طاقة غريبة غامضة. واحدة من ألاشياء الي كان يعملها بورسيكا لما كان عمره اسبوعين انه يوقف على رجليه ويمشي، ولما صار عمره سنتين كان يعرف يقرأ ويكتب ويرسم.
كبر بورسيكا وصار يدهش الناس بالعلم الي عنده، كان يفهم بامور الفضاء الخارجي وفي أمور كوكب المريخ تحديداً بطريقة فظيعة، والاغرب منهيك انو أهل بورسيكا اكدوا أكتر من مرة انهم ما علموه شي وانه هو اصلا لسا مو مؤهل انه يتعلم ويدرس هي الاشياء لانو عمره لسا صغير، فأهل بورسيكا متلنا مذهولين من الوضع.. الطفل بورسيكا من وين جايب هالمعلومات ؟؟؟
شاهد ايضاً : مصاصين دماء ارعبوا لندن لأكثر من 150 سنة!
أدعاءات الطفل بوريسكا
ادعى الطفل بورسيكا انه هو فالاصل مريخي وكان عايش على المريخ، واجى على الكرة الأرضية لحتى يحذرنا وينقذنا من حرب نووية رح تصير على الكرة الأرضية وتدمره.
في مقابلة طويلة عريضة مدتها أكتر من ساعة تم اجراءها مع بورسيكا، المقابلة هي تحتوي الكثير من الأشياء الغريبة أولاً، انه فالمقابلة قال ان هو من مواليد سنة ١٩٨٦: اعتقد ان قصده هاد هو تاريخ ميلاده الاصلي على المريخ.
وقال الطفل بوريسكا انو المرييخين جماعة مشكلجية بيحبوا المشاكل والحروب، وأنه لما كان عمره ١٤ سنة كان يطلع غاارات جوية، بالاضافة الا انه زار مصر ووقال انه ابو الهول والاهرامات الكبرى فيهن اسرار رح تغير مسار الكرة الارضية كلها.
ضمن المقابلة كانو عم يطلبوا منه يوصف المرييخين ووصفهم بأنهم مخلوقات ما بتكبر بالعمر او لا تصاب بالشيخوخة وأن عندهم تكنولوجيا قوية جداً ومتطورة عن التكنولوجية الأرضية بكتير.
حالياً الطفل بورسيكا وأهله مختفيين نهائياً وما حدا بيعرف عنهم أي شي ولا وين ساكنين ولا اذا عايشين أو ميتين، يمكن يكونو راحو عالمريخ ما منعرف..
قبل ما ننهي الفيديو رح اعطي رايي او احكي كم نقطة لاحظتها انا بكلامه وبتفاصيل القصة، في بداية القصة قال انو هو مواليد سنة ١٩٨٦ وهو على الكرة الارضية اجا في سنة ١٩٩٦ ومن من ١٩٨٦ ل ٩٦ في عشر سنين يعني عاش عشر سنين في المريخ طيب شلون عاش عشر سنين وقال انو لما كان عمره ١٣ سنة كان يطلع غارات جوية…
والنقطة الأخرى انو بورسيكا وكل هالذكاء وكل هالعلم بيفهم بالفضاء والمريخ والكوكاب ورايح مصر وكان يمشي وهو عمره اسبوعين وصار يعرف يقرأ ويكتب لما كان عمره سنتين، كل هدول وما بيعرف يحكي انكليزي shame on you boriska … shame on you
