مسلسل عائلة سيمبسون هو مسلسل كرتوني قدييم بدء اول عرض اله من سنة ١٩٨٩، حطلي خطوط حمر تحت كلمة قديم وهلا منعرف ليش، مسلسل عائلة سيمبسونعمل ضجة كبيرة في السنوات الماضية بسبب توقعه لاحداث وهالاحداث الي نعرضت بالمسلسل قبل عشرة او عشرين سنة صارت حقيقة، ومن أشهر هالاحداث هي استلام دونالدن ترامب للرأسة وقصة المنطقة ٥١، وفيروس كورونا الي منتشر حالياً، من فترة قليلة أنتشر خبر عن دبابير قاتلة، رح تموت اي شخص بتقرصه، مسلسل عائلة سيمبسون طلع عندو حلقة عن هاد الموضوع كمان.
قبل ما احكي قصة الحلقة رح احكيلكن قصة الدبابير للناس الي ما سمعت بالقصة، قبل فترة اسبوع من تصوير هاد الفيديو انتشر في امريكا وتحديداً في ولاية واشنطن، دبابير عملاقة، لانو حجمها أكبر من الدبور العادي بكتير، وسموها بالدبابير القاتلة لانو قرصتها سامة وبتسبب الموت، مصدر هي الدبابير الأساسي هو اليابان، الدبابير القاتله ومن ٥٠ الى ١٠٠ شخص سنوياً، بس مو هاد الشي الي خلا الناس تخاف من الموضوع، الشي الي خلاهم يخافو انو الدبابير هي وصلت على امريكا، ونشروا تحذيرات انو الدبابير هي ممكن تنتشر في مكان تاني بسرعة والطريقة الي وصلت فيها الدبابير الى امريكا هي صناديق الشحن في دبور باض في صندوق من صناديق الشحن الي رايحة على امريكا، والبيض فقس وطلع منه دبابير.
هلا خليني أحكيلكن قصة حلقة من حلقات مسلسل عائلة سيمبسون الي نعرضت سنة ١٩٩٣، في احداث الحلقة هي بينتشر فيروس اسمه اوسكا فلو، انتشر المرض بعد ما واحد من الاشخاص طلب عصارة لعصر البرتقال من اليابان،ولما اجت العصارة تنشحن واحد من موظفين الشحن عطس داخل الصندوق وبعتلن ياه على امريكا، بعد ما وصل الصندوق انتشر المرض سكان المدينة كلن بسب العدوى، وهاد الشي سبب لهم الذعر واجتمعوا كلهم وراحوا لعند دكتور يطلبوا منه علاج، والدكتور بجاوبهم انو العلاج الوحيد هو انكم تبقوا بالسرير وترتاحوا لانو اي شي تاني رح اعطيكن ياه رح يكون مجرد بلسيبو والي بصراحة ماعرفت معنى الكلمة اذا عندو فكرة عنها ياريت يكبت بالتعليقات، لما الدكتور قال بلسيبو الناس جنت وصار بدها تاخد بلسيبوا وكان في شاحنة جنب بيت الدكتور هاد حاولوا يسرقوها لحتى ياخدوا بالبلسيبوا، تفاجأو انو الشاحنة كان فيها صندوق واحد بس مكتوب عليه تحذير دبابير قاتلة. وانكسر الصندوق وانتشروا الدبابير في المدينة
