قصة ديب ويب رعب
من زمان لما كان عمري 13 سنة كنا عايشين بمدينة صغيرة كتير انا واهلي، وهي المدينة صغيرة كتير وفيها 5 بيوت غيرنا يعني بيتنا وخمس بيوت صاروا ست بيوت هي هي المنطقة كلا وكان في شارع رئيسي قدام البيت
واذا انت مستغرب من هي المعلومات انو ليش عم احكيلك ياها، رح تفيدنا هي المعلومات بشرح القصة
شاهد أيضاً:5 قصص جرائم حقيقة بالفيديو!
بيوم من الأيام صحيت الصبح بكير وكان أول يوم من ايام العيد وانا كنت متحمس كتير لانو كنت موووعد بكمبيوتر هدية العيد وهاد الكمبيوتر رح يكون اول كمبيوتر بستخدمه بحياتي فكنت الوضع حماس ألف
بدأت افتح العلب تبع الكمبيوتر وانا مبسوط لاني واخيرا حصلت على كمبيوتر بس ماكنت ابدا مفكر انو هي الآلة رح تكون سبب دماري
بعد ما ركبت الكمبيوتر وكل شي صار جاهز اول شغلة كانت في بالي هي اني ادخل على موقع فورتون، موقع فورتون هو متل مجلة بينشروا فيها مقالات او اخبار وفيها دردشة وكانت كتير شاملة وكانت كتير مشهورة وعلى ما اذكر هي اول مجلة نعرفت بين الناس يعني كانت هي الواجهة الأشخاص الي بيستخدموا الانترنت اكيد رح يستخدموا فورتون وبس
وفعلاً عملت الي كان بيد اعمله ودخلت على الموقع ودخلت على غرفة دردشة كان اسمها الغرفة ب واول ما دخلت عليها طلعلي رابط فأنا بكل حماس وسعادة ضغطت على الرابط وكنت مفكره انو صورة أو شي تاني
بس لما دخلت على الرابط اكتشفت انه الرابط كان في شرح لطريق دخول الديب ويب، انا اول ما شفته قلت لحالي وتف ديب ويب، انا اول مرة بسمع بشي اسمه ديب ويب وكان فضولي شغال في هي اللحظة فقررت اني اتبع الخطوات وادخل على الديب ويب اشوف ايش هي الشغلة العظيمة الي اسمها ديب ويب
واتوقع الكل بيعرف انو احسن برنامج لدخول الديب ويب هو متصفح تور، بس انا بوقتها لسبب ما ما استخدمت تور مابعرف ليش هالتصرف الغبي الي عملته بس بدل ما استخدم تور استخدمت متصفح تاني اسمه فريي نت
باللحظة الأولى الي صرت فيها بالديب ويب صارت الاشياء القزرة والبشعة تطلعي لحالها بأول صفحة،وكان في تاب او نافذة طلعلتي واول ما طلعت كبست عليها لما كبست علها طلعلي صفح فيها فيديو بالفيديو كان موجود شخص ملامحه كتير مخيفة وكان في معه بالغرفة اطفال 8 او 9 اطفال، وكان الوضع جداً قزر ومخيف وكل شي سيء بيخطر على بالك حسيت فيه في هي اللحظة. فأول شي عملته بعد ما شفت هاد المنظر سكرت المتصفح وسكرت كل شي وعملت مسح لسجل البحث وكل سجلات المتصفح وسكرت الكمبيوتر وطلعت احتفل بالعيد مع اهلي.
مضي الوقت وانا نسيت الموضوع، بس مع الاسف ما ضليت ناسيه لفترة طويلة لاني لما رجعن شغلت الكمبيوتر طلعلي رسالة مكتوب فيها لقد تمت عملية الشراء بنجاح ،انا ما طلبت ولا شي ولا دخلت على ولا متجر ولا عملت اي شي ايش اللي عم يصير ؟؟؟ لما ضغطت على الطلب الي تم شراءه من جهازي، كان الطلب علبة حبوب هالحبوب كانت ملونة نصحها لونو اخضر والنص التاني بنفسجي وماكان اله اسم او ماركة بس كان في ارقام عشوائية
اخدت هي الارقام وحاولت اني ابحث عليها لحتى اقدر اعرف تفاصيل عن هي الحبوب، وانا بعمل بحث بتوصلني رسالة على ايميلي بس قبل ما اقلكن محتوى الرسالة الشي الي لقيته عن هي الارقام كان مقال مكتوب فيه انو في حال دخلت على الديب ويب بطريقة غلط او بعشوائية رح يصير معك اشياء غريبة ومنها رسائل متل هي والتعرض للسرقة والنصب، انا هون تذكرت انو انا ما استخدمت متصفح تور حبيت اتفلسف واستخدم غير شي ..اخخ
جيت فتحت الايميل الي وصلني لقيت مكتوب فيه عنوان بيتي ورقم كرت البنك تبع امي، وصار بعدها يوصلني رسائل كتير ورسالة منن كان مكتوب فيها شكراً لانك خليتني استخدم كرتك الكرت فادني كتير
سكرنت كل شي كنت مشغله ورحت لعند صديقي وحكيتله اني دخلت الديب ويب وانو هي الاشياء الي صارت معي فساعدني صديقي اني احذف كل شي استخدمته وكل شي كان بالكمبيوتر واعملناله فورمات وكنا متوقعين انو خلص نحن بأمان هلأ لانو تخلصنا من كل شي
خلص اليوم ونمت ، صحيت تاني يوم لقيت رقم غريب بيتصل فيني وانا بالعادة ما برد على الاتصالات الي بتكون من رقم غريب او ما بعرفوا بس هاد الرقم اصر كتير وضل يتصل ما رديت .بعدها مباشرة اجتني مكالمة على الفيستايم فعملت حركة ذكية على اساس غطيت الكاميرا بايدي وعملت كتم للمايك جاوبت على المكالمة ،لما فتحت المكالمة كان في شخص اخخ كان عم يحاول يسعد نفسه فك مابعرف كيف بدي اشرح الموضوع اكتر من هيك اتمنى انكم تكونو فهمتو قصدي.. الوضع كان مقرف جداً وصار يقلي did you like it sophia
قلتلو عليك وعلى صوفيا وسكرت المكالمة وعملته حظر
مضي يوم والوضع هادئ ما صار شيي غريب لحدد ما سمعت امي عم تقول انو اجاها اشعار من تطبيق لبنك انو في حدا استخدم الكرت
مضت الايام ولحد الان انا ما عم استخدم الكمبيوتر وكنت حاذف كل شي منه ما بعرف ايش اللي عم يصير، تاني يوم اهلي راحو كلن طلعوا من البيت وضليت انا لحالي. فكنت عم اتسلا على الفيسبوك ونزلت حالة اني وحيد في المنزل وحطيت سمايلات حزينة
بعد ما نشرت الحالة بدقائق بتوصلني رسالة من شخص غريب بيقلي فيها انا شفت حالت على الفيسبوك وانا جاي لعندك اسليك
فانا كنت مرعوب كتير ركضت وسكرت كل الابواب والشبابك بالبيت وسكرات الستائر كلها لحتى مايبين شي من البيت ابدا بعد تقريباً خمس دقائق سمعت صوت حدا جاي عالبيت حاولت اني اشوف من الشباك مين اجى ممكن يكون حدا من اهلي فتفاجئت بشخص ضخم ضخم كتير وكان معه كيس زبالة كبير ولابس بايده كفوف او قفزات بلشت ازحف وابعد من الشباك لحتى ما يشفوني ، ومابعرف اذا شافني او لا بس كل الي بعرفه انو قرب على الباب وصار يدق عليه بطريقة خفيفة جداً
قفلت الباب واخدت موبايل وطلعت على غرفتي ركض ودخلت وسكرت الباب وطفيت كل الاضوية ،ومع كل هالحرص كنت نسيان الباب الخلفي مفتوح
فوراً اتصلت بالطوارء وحكيتلن كل شي وفقالولي انهم رح يجوا وطلبوا مني اني ابقى على الخط معهم ، الشخص الي كان برا صار يضحك بقوة يضحك بشكل فظيع وانا لما سمعت ضحكته صرت ابكي وبعد ما خلص ضحك صار يقول صوفيا انا بعرف انك هون ..راح صوته صوته لفترة ثواني وفجائة بينكسر زجاج الغرفة وبيدخل هاد الشخص عالبيت
طلعت من غرفتي بسرعة وركضت برا البيت طلعت من البيت ورحت على الشارع الرئيسي الي حكيتلكن عنه بالبداية …كنت خايف كتير ومابعرف لوين بدي اروح..التفت لوراي شفت الشخص هاد طالع وجاي لعندي كان شعره لونه بني وعيونه سود كتير وووجه مليان جروح وندوب
طلعت من الشارع وهو عم يركض وراي فصرت امشي باتجاه مركز الشرطة لحتى اوصل لعند حدا يساعدني وبالفعل اول ما قربت من مركز الشرطة السيارة الي كان المفروض جاي لعندي عالبيت من لما اتصلت فيهم كان جاي من نفس الطريق الي ما في غيره فشافوه وقضبوا عليه
الشخص تم الحكم عليه بالسجن 46 سنة، ولما اخدوا اسمو ومعلوماتو تبين انو عليه سوابق كتير وانه قاتل 19 شخص اعمارهم اقل من 18 سنة يعني انا محظوظ كتير لاني لسا عايش وعم احكيلكن هي القصة
