في تاريخ ١٦ اغسطس سنة ١٩٤٢ طيارين من أشهر وأمهر الطيارة الموجودين في أمريكا اختفوا من المنطاد بطريقة غريبة جداً، رح اشرح القصة بالأول لحتى يصير عنا فكرة عنهن والشغل الي كانو عم يشتغلوه بعدين رح احكيلن النظرية وراء اختفائهم.
متل ما قلنا الحادثة صارت في يوم ١٦ اغسطس ١٩٤٢، في هاد اليوم كان منطاد رحلة ١٠١ عم يستعد لحتى ينطلق من كاليفورنيا بتجاه البحر لحتى يبحثو عن غواصة يابانية سمعوا انها موجودة في البحر عندن فطلعو لحتى يتأكدوا.
الاشخاص الي كانو بالمنطاد هنن ensing charles ellis adams عمره ٣٤ سنة وLt. Ernest DeWitt Cody عمره ٢٧ سنة، الشخصين هدول عندن خبرة عالية جداً وتاريخ تجارب وانجازات كبير، يعني من الصعب جداً ان هالشخصين يفشلوا في أي عملية يتم اعطاءهم لهم، وكان من المفروض انو يكون في شخص تالت معهن بالمنطاد وهاد الشخص هو مكيناكي لازم يكون موجود معن بالمنطاد في حال صار اي عطل بالمنطاد يكون في خبير يصلح أي عطل ولكن باللحظات الأخيرة قبل ماينطلق المنطاد بدقائق قليلة اجا أمر باستبعاد المكانيكي وطلبوا من الطيارين انو يروحوا لحالن بدونه، وماحدا بيعرف السبب ليش ؟
المهم الرحلة انطلقت بدون الميكانيكي وبعد ساعة ونص تواصلوا مع القاعدة الي طلعوا منها من خلال الراديو او اللاسلكي وقالولن انو شافوا بقع نفط على وجه البحر هي البقع بتطلع غالباً لما يكون في غواصة فالماكان الي طلعت فيه… اخبروهن انو شافوا البقعة ورح يقربوا لعندها لحتى يتاكدوا، من وجودها وهي الاحداث صارت الساعة ٧ و٤٢ دقيقة صباحاً.
من بعدها انقطعت اخبارهن وما حدا عندو فكرة وين المنطاد وايش صار معهن… في الفترة لحسن الحظ كان في شخص بقارب صغيرة عم يصطاد سمك بمنطقة قريبة من المنطقة الي كان فيها المنطاد والي المفروض كانت الغواصة فيها… الشخص هاد قال انو المنطاد كان فعلاً موجود واقترب من سطح البحر، صارت المسافة بين القارب والبحر تقريباً ٣٠ قدم يعني ما يعادل ١٠ امتار، يعني مسافة قريبة كتير نوعاً ما، والشخص الي كان عم يصيد سمك قال انو لما كان المنطاد قريب شفت في شخصين قربوا على البحر بس ما عملوا شي اقتربوا شوي وبعدين راحوا راحوا يعني اختفوا، المنطاد اختفى وما حدا رجع شافه مرة تانية للساعة ١٠ و ٤٩ دقيقة صباحاً تم رصد المنطاد على ارتفاع ٢٠٠٠ قدم يعني ما يعادل ٦٠٠ متر وهاد الارتفاع بالنسبة لمنطاد متل هاد هو ارتفاع خطير كتير لان المنطاد ما بيتحمل ضغط الهوا الي موجود بهاد الارتفاع والاهم من هيك انو في هي اللحظة كمان كانو الطيارين موجودين بالمنطاد، وبعدها المنطاد انشاف مرة تانية على شاطئ قريب من المنطقة هبط شوي ورجع طار وبعدها هبط او تحطم المنطاد فوق منطقة سكنية ووقع فوق سيارة كانت مصفوفة
طبعا الشرطة وفرق الانقاذ كانو موجودين فالمنطقة الي وقع فيها لانو اصلاً كانو عم يدوروا على المنطاد وكانت الناس متجمعة حواليهن لانو شايفة المنطاد بالسما وهو رح يهبط كان في حشد كبير من الناس عم يراقبوا الحدث مع الشرطة ولما نزل المنطاد، نزل المنطاد والصدمة انو الطيارين ما كانو فيه!!!
دخلت الشرطة داخل المنطاد لحتى يشوفو اذا في اعطال بالمنطاد لحتى يحاولو يوصلوا لسبب او يعرفوا اي شي ممكن يساعدهن يلاقوا الطيارين…. بس الراديو الي كانوا عم يتواصلوا معن فيه كانت حالته سليمة مية بالمية، كل لوحات التحكم شغالة، والابشع من هيك انو البراشوت او المظلمة الي كانت معن موجودة داخل المنطاد يعني فرضية انو المنطاد خرب واضطروا يهربوا منه من سابع المستحيلات تكون صارت لانو المنطاد سليم والمظلات موجودة، ولحد الآن ليومنا هذا القضية هي غير مالها تفسير، ماحدا عرف وين الطيارين ولا حدا عرف اذا ميتين او عايشين ولا حدا بيعرف شلون اختفوا من المنطاد، لانو كان في ناس عم تراقب المنطاد من تحت يعني لو نطوا من المنطاد بدون مظلة او عملوا اي حركة كانت الناس شافتهن، القضية انقفلت وماضل وراها غير النظريات الي رح اقولكن ياها
النظرية الاولى بتقول انو احتمال واحد من الطيارين لسبب من الاسباب وقع من المنطاد على البحر، لذلك المنطاد نزل وقرب لسططح البحر لحتى ينقذ صديقه ولسبب من الاسباب الطيار التاني وقع من المنطاد وغرقوا.
النظرية هي مع انها الاشهر والي ممكن بعض الناس تقول اوك هاد اكتر سينارو ممكن يكون صار، ولكن هي النظرية فيها ثغرات كتيرة. اول شي لما ارتفع المنطاد ووصل لارتفاع ٢٠٠٠ قدم الي رصد المنطاد قال انو الطيارين كانوا موجودين بالمنطاد، وهاد السبب كافي يدمر هي النظرية مافي داعي احكي اسباب تانية لانو خلص لما رجع ارتفع المنطاد كانو موجودين معناها هنن عاشيين وما غرقوا بالبحر
النظرية التانية بتقول انو باللحظة الي اقتربوا فيها على البحر جنود من الغواصة اليابانية طلعوا وخطفوهن،كمان هي النظرية ضعيفة لنفس السبب في ناس شافت الطيارين بعد ما ارتفع المنطاد مرة تانية، وسبب تاني هو الشخص الي كان عم يصطاد سمك ما قال اي شي عن هاد الموضوع، لا شاف غواصة طلعت ولا ناس نزلو بالبحر ولا شي، واصلا لو فعلاً الطايرين غرقوا كان اكيد حاول يساعدهن بما انو معه قارب هي النظرية كمان مستبعدة
النظرية التالتة والاخيرة معنا لليوم، طبعاً الاخيرة من الي اخترتهم انا، القصة عليها كتير نظريات تانية بس انا اخترت النظريات هي، أخر نظرية بتقول بما انو اخر مرة انشافو فيها لما كان المنطاد على ارتفاع ٢٠٠٠ قدم يمكن تكون شي مركبة فضائية خطفتهن، لانو الطريقة الي اختفوا فيها مستحيل يكون الها جواب غير انو فضائيين الي خطفوهن، مافي اثر ملابس مافي اثار دم مافي اثار ولا شي الطيارين تبخروا بالكامل… اما فضائين أو شي جني خطفهم او صار في قلتش بالواقع وراحو على عالم موازي.. ما منعرف كل معلوماتنا عن القصة هي من كلام الشهود الي كانوا موجودين فالاماكن القريبة للحادثة.. ممكن يكونو الشهود كذابين وماحدا حكى الحقيقة ممكن يكون صار شي ماحكوه وممكن لا ما حدا بيعرف
