مثلث أخطر من مثلث برمودا !
اعتقد ان اغلبنا في يوم من الايام سمع عن مثلث برمودا ويمكن بتعرف قصص عنه لذلك موضوعنا مو عن مثلث برمودا، موضوعنا رح يكون عن Bennington Triangle مثلث بينغنتن.
هاد المثلث هو عكس مثلث برمودا تماماً مثلث برومدا هو عبارة منطقة موجودة بالبحر، ومثلث Bennington هو عبارة عن منطقة موجودة في غابة قريبة على مدينة نيويورك..
واسم مثلث Bennington هو مو الاسم الاصلي للمنطقة، بل اسم اختاره مؤلف انكليزي للمنطقة نتيجة حوادث الاختفاء الي صارت فيه، وغير حوادث الاختفاء المنطقة كانت الناس تخاف منها كتير لعدة اسباب منها سبب قديم جداً بيرجع للزمن الي كان فيه سكان امريكا الاصليين الي هنن الهنود الحمر، كانو الهنود عم يستكشفوا المنطقة ويبحثوا عن الاماكن الي ممكن يعيشوا فيها
ولما وصلو للغابة هي الي فيها مثلث Bennington رفضوا انو يسكونا فيها لانو كان عندهن اعتقاد انو هي المنطقة فيها طاقة سلبية وشريرة لذلك مارح يعيشوا فيها، وكمان نفس المنطقة هي شهدت حوادث اختفاء تحطم طائرات اثار مخلوقات غريبة، وكتير اشياء تانية… واليوم رح نتعرف على حالات الاختقاء ونشرح نظريات عنها.
اول حادثة تاريخ ١٢ نوفمبر ١٩٤٥، في هاد التاريخ كان في رجل اسمه Middie Rivers عمره ٧٤ سنة كان طالع في رحلة صيد هو ومجموعة من الصيادين المبتدئين، لهاد السبب كانوا اخدين Middie Rivers معن على انه هو اكبر منهن وعندو خبرة اكتر منهن فوجوده رح يساعدنه كتير.
في لحظة من لحظات رحلة الصيد الجميلة، Middie Rivers مشي قدام الصيدين هدول لحتى يستكشف المنطقة ولما وصل على مكان او على طريق اسمه long tril اختفى اختفى هو وكل الاغراض الي معه، الاشخاص الي كانو معه ما كانوا خايفين لانو بيعرفوا او ميدي هو صياد محترف والمفروض انو بيعرف المنطقة كاملة، فعلى الاغلب ضاع بطريق من الطرقات ورح يخلص حاله بعد كم ساعة
ولكن كلامهم غلط وميدي لحد الان مختفي، هو حتى اذا كان عايش في هداك الوقت رح يكون ميت لانو بال١٩٤٥ كان عمره ٧٤ سنة، بس الفكرة انو ما حدا عرف وين ختفى وشلون ختفى بعد بحث مكثف بالمنطقة شافو رصاصة وحدة على ضفة النهر، قالو انها احتمال تكون واقة منه وبس غير هيك مافي ولا معلومة عنه.
يمكن يجي على بالك افكار متل انو ممكن الاشخاص الي كانو معه قتلوه او خطفوه او عملوا اي شي، بس صدقني لما تسمع القصص التانية رح تغير رايك
حالة الاختفاء التانية صارت في تاريخ ١ ديسمبر ١٩٤٦ يعني تقريباً بعد سنة من أول حادثة، بنت اسمها Paula Welden راحت رحلة استكشاف على الغابة الي موجود فيها مثلث بينغيتن، وهي المرة Paula Welden كانت لحالها ما معها اشخاص ، لما وصلت عالغابة كانت تقريباً مضيعة الطريق او كانت عم تبحث عن مكان معين وما تلاقيه وهاد المكان هو long trill، لما قربت توصل على هاد المكان شافوها رجل ومرأة عجايز كانو بعيدين عنها حاولي ١٠٠ متر، وهنن الاشخاص الي روا القصة هي.. بناء على كلامه باللحظة الي مشيت فيها البنت بالlong trilاختفت اختفت هي وكل اغراضها الي كانوا معها ولم يتم العثور على اي شيء لا هي ولا اغراضها
حالة الاختفاء التالتة هي الحالة المفضلة عندي، مو مفضلة يعني شيء سيء انو اشخاص تختفي انا مو فرحان انو الشخص اختفى بس احادث الاختفاء نفسها حبيتها ما بعرف ليش.
الحالة صارت في تاريخ ١ ديسمبر سنة ١٩٤٩ يعني بعد ٣ سنين تماماً، في هاد اليوم كان في شخص اسمه James Tedford جيمس كان من سكان المنطقة وفي هاد اليوم طلع منها راح لحتى يزور احد اقرابئه خارج المنطقة ولما رجع كان تعبان وكان عنده طريق طويل بالباص، لذلك كان نايم، والباص كان فيه ١٤ راكب،لما وصل الباص لمنطقة بيننغتن وعدا من الغابة جيمس اختفى اختفى وهو داخل الباص، بس المختلف في حالة الاختفاء هي انو اغارض جيمس ضلت موجودة بالباص بس هو اختفى. ال١٤ شخص الي كانو موجودين أكدو مليون بالمية انو جيمس كان موجود بالباص وكان نايم وبالباص ابدا ما وقف ولا نفتح بابه ولا صار اي شي، جيمس كان موجود وفجأة صار موجود..
هلأ عرفت ليش حبيت القصة هي انا لانو في الكثير من الليشات تتمحور حولها، متل انو ليش ما اختفى الباص كله ليش بس جيمس؟
هلأ نجي للنظريات
النظرية الأولى بتقول انو ممكن يكون في قاتل مأجور موجود في هي المنطقة واي شخص بيدخل عليها بيقتله وبيخفي اثره واثر اغراضه،هي النظرية قد تكون منطقية بس لو حاولت تربطها مع اختفاء جيمس مارح تظبط، لانو صح جيمس اختفى ضمن المنطقة الي اسمها مثلث بيننغتن بس ما كان عند ال long tril وكان جوا الباص ، فلذلك ما اقنعتني هي النظرية.
النظرية الي بعدا بتقول انو في هي المنطقة بيصير قلتش بالعالم او هاد المثلث هو بوابة لعالم تاني بيدخل من هي البوابة بيختفي ،او انو في نشاط فضائي بالمنطقة والفضائين عم يختاروا اشخاص ويخطفوهن.
بعرف انو هي النظرية غير منطقية، بس هي منطقية بنفس الوقت، والي ممكن يقنعك فيها هو اختفاء جيمس لانو كان خارج الlong tril ومع ذلك اختفى،وكمان فيها نقطة ضعف انو ليش بس جيمس ليش ما اختفى الباص كله اذا كانت هي المنطقة فعلا بوابة لعالم تاني لانو مامعقول باص كامل يدخل بالبوابة وشخص واحد بس يختفي
النظرية الاخيرة بتقول انو كل شيء مجرد صدفة كل حالات الاختفاء صارت مجرد صدفة في نفس المكان، وانو الصياد ميدي قتلوه الصيادة الي كانو معه وانو العجايز التنين هنن الي قتلو البنت او خطفوها، وانو كل ركاب الباص والشوفير اتفقوا انهم يخفوا جيمس.
شاهد أيضاً: فيديو الديب ويب الي ماحدا يعرف قصته
