كيت ياب
كيت ياب رجعت ونزلت فيديو جديد ولكن ياريتها ما نزلت، لانو الفيديو الي نزلته فيه تفاصيل غريبة اكتر من التفاصيل السابقة الي شفناها من قبل، لذلك خلينا ندخل بالتفاصيل عالسريع.
شاهد قصة كيت ياب الجزء الأول
شاهد فيديو عودة كيت ياب على اليوتيوب
اخر فيديو نزلته كيت ياب كان في سنة 2019 يعني قبل 3 سنين من الان
ومن وقتها كان في كتير نظريات عنها متل انها مخطوفة وفي حدا عم يجربها على الاكل والرسائل السرية الي كانت تحطها بفيديوهاتها وبامكانك تشوف التفاصيل هي كلها بالاجزاء السابقة
المهم بعد 3 سنين كيت ياب رجعت بفيديو عنهواه KATE YUP IS BACK وكاتبة بالصورة المصغرة im alive يعني انا على قيد الحياة
وبوصف الفيديو كانت كاتبة شوفوني انا بخير وكل شي تمام
هي النظرة الأولية للفيديو بتقلنا انو انا كيب شايفة وعارفة كل الاشياء الي انحكت عنها وهاد براي اول شي ممكن يكون مزعج
لانو طالما انتي بخير على حسب كلامك وسامعة وشايفة الاشاعات الي طلعت عنك كان ممكن تطلع بفيديو ععشر ثواني على الاقل تقول وقفو المهزلة انا بخير، او حتى ما تحتاج فيديو ممكن بوست واحد سطر واحد…. المهم خلينا نبدأ بتفاصيل الفيديو
الي بيظهر في بيداتو على حسب ما فهمت انا انو كيت موجودة بشي سوق وعم تشتري منه الاكل، لانو الايد الي عم تعبي الاكل بالعب هي مو ايد كيت ياب، وكان في اصوات ناس عم تحكي حواليها وكمان شكل الصحون بيوحيلك انه مطعم او متجر مخصص لبيع الاكل
وأول ما تبدأ كيت بالاكل رح تلاحظ انها متحجبة، وهذا اول شي رح يصفعك بوشك
وأول جملة بتكبتها كيت ياب بالفيديو” انا لحالي في هاد المكان ومافي حدا معي، وانا مالي مخطوفة ومافي حدا عم يجرني عالأكل ورجائاً اوقوف المهذلة هي”
وبعدها كتبت شوفوني انا بخير والامور كلها تمام
لحد الان كل الكتابات طبيعية ومافيها شي من اسلوب الكتابة الي شفناه سابقاً عندها، الي هو تكتب احرف معينة بس كبيرة والباقي لا
بس بعدد الجملة هي بثواني كيبت ياب بتكون عم تتكت اسماء الاكلات الي عم تاكلها، ورجعت الاحرف الكبيرة العشوائية ورجعت كتبت كلمة SOS……
هلا هون في احتمالين مالهن تالت، اما انو كيت ياب فعلاً في مأزق، او انها عم تعمل هيك قصداً خصوصاً انو بعد كل السنين هي وكل الافلام الي صارت رجعت عملت نفس الشي
ولسا في اشياء كتير رح تصدمك غير هي اصبر واستعد
وبالدقيقة 3:49 بتلاحظ انو كيت كانت رح تستفرغ كانو، وواضح هاد الشي على وشا
بعدها بالدقيقة الرابعة بنسمع صوت باب تسكر، وهاد الشي جداً غريب لانو لسا قبل كم دقيقة في بداية الفيديو كانت عم تقول انو انا لحالي في هاد المكان ومامعي حدا وانا لحالي عم اعمل الشغل هاد…… اذا هي لحالها من وين اجا الصوت هاد ؟؟؟خلينا نكمل
وهون الشي الاهم، بالدقيقة 8:30 تقريباً ركز على وجه كيت ياب ورح تلاحظ انها وقفت اكل ووجهت نظرها على مكان ما ورا الكاميرا وكانت كأنها خايفة.
هل يا ترى نحن صرنا مهوسين زيادة بالموضوع وصرنا نحسب عليها النفس حرفياً، ولا هو فعلاً في شيء غريب عم يصير
المهم انو واخيراً بعد 3 سنين عرفنا انها عايشة.. عايشة ولا يا ترى الفيديو مصور من زمان وهلا نشروه….. امممممممممم
