قبل فترة انتشرت هي الصورة الغريبة على حساب انستغرام اسمه drian_bautista وبصراحة لو شفت باقي المنشورات الموجودة بالحساب رح تكتشف انو هي الطف صورة ممكن تكون موجودة عندهم، ولكن هي الصورة تحديداً لها قصة مختلفة تمامً عن باقي الصور، هي الصورة كانت تضمان مع قضية موت بنت عمرها 16 سنة بالفلبين، والوجه الي هو نصفه هيكل عظمي ونصه وجه طبيعي هو ابداً مو رمز للتعبير عن الموت فقط، هو وصف حالة كرستين البنت الي انقتلت بعمر ال16
في سنة 2019 تم العثور على جثة كرستين وهي شبه عارية ونصف وجها مقلوع والجمجة ظاهرة والنصف التاني باقي على حاله…. طيب مين هي كرستين وشلون صار هاد الشي؟
كرستين كانت طالبة في المرحلة الثانوية وكانت تشتغل في وحدة من الكنائس الموجودة بالمنطقة بعد دوامها المدرسي، وفي يوم من الايام كرستين طلعت على اساس انها رايحة على الكنيسة ومارجعت…. وبما انو كرستين مالها بالعادة تتاخر او تروح على أي مكان تاني والدتها انشغل بالها واتصلت بالشرطة حتى تبلغ انو بنتها مفقودة
الموضوع ما طول كتير، تاني يوم الشرطة عثرت على جثة بنت كانت مرمية في أرض فارغة، وحالة البنت كانت بشعة جداً، كانت عارية ووجها مشهوه بشكل بشع( مثل بريكنيغ باد) ومع الاسف لما شافو اهل كرستين الجثة تعرفوا عليها وتبين انو هي فعلا بنتن، أكيد الموضوع كان صادم مو بس للاهل بل لساكن المنطقة كلا كل الناس بدها تعرف حقيقة الجريمة وكل الناس تطالب بالعثور على الفاعل وعقابه
فلذلك الشركة بدأت بالتحقيق بالموضوع، وقدروا انهم يوصلو لفيديوهات مصورة من كاميرات المراقبة الموجودة في المنطقة، واشتبهو بكم شخص وأول شخص منهم كان اسمه جوناس
الشرطة جابت جوناس من جزيرة تانية بعيدة عن المنطقة، وسبب وجوده في الجزيرة هي هو انه كان هربان من جريمة مشابهة جريمة كرستين والي هي انه قتل رجل عمره 62 سنة وسلخ جلده، ولما حققه معه نفى علاقته بالموضوع بحجة انه ما كان موجود بالمنطقة في وقت الجريمة، وطلع كلامه صح وهو كان فعلا عم يعمل شغل في غير منطقة
والمشتبه التاني والي كان مثير للجدل أكثر من هاد هو شب مراهق كان عنده علاقة سابقة مع البنت بس انفصلو قبل موتها بايام قليلة، وهاد السبب خلا الناس كلها تصر انه الشب هو الي قتلها لحتى ينتقم منها، فلما بدء التحقيق اهل الشب كمان قالو انو مستحيل يكون ابننا هو الفاعل لانو في هاد اليوم برا البيت رايحين عطلة والولد كان معنا
ولكن الشرطة ما اهتمت لكلام الاهل وكمان كان ظاهر بالكاميرا انهن كانوا مع بعض والشرطة اعتقلت الشب ولمدة اسابيع كانوا على وشك انهم ينهوا القصة ويقولو انو الشب هو الفاعل بس هاد الشيء ما صار
بعد شهر من قضية كرستين الشرطة بتلقي القبض على مجرم عمره 43 سنة اسمه ريناتو.. اعتقلوه بسبب جريمة تانية ما الها علاقة ابدا بكرستين ولكن اثناء التحقيق اعترف بجريمته الأولى الي اعتقلوه منشانها وكمان اعترف انه هو الي قتل كرستين، وقال انه تعرف عليها اونلاين بحساب شخصية وهمية ولما التقوا كرستين رفضته ورفضت تحكي معه لانه هو مو الشخص الي كانت مفكرته عم يحكي معا، ولأنها رفضته ارتكب الجريمة هي
وبالتحقيق سألوه اذا اغتصب كرستين فكان جاوبه لا ماقدرت يعني بحسب كلامه حاول بس ما قدر وقال كمان انه بعد ما قتلها استخدم مقص لحتى يشوه وجهها وما حدا يتعرف عليها
وهون القضية تسكرت من طرف الشرطة، اطلقوا صراح الشب الصغير لانو اجا شخص اعترف بالقضية وقال انه شتغل لحاله فمافي سبب يخلي الشب موجود عندهن، بس متل ماقلت القضية تسكرت من طرف الشرطة بس
لانو لما اخدو جثة كرستين للتشريح الاطباء قالو انو في بجسمها بعض الاثار الي ممكن تكون بسبب محاولة اعتداء جنسي، وشغلة تاني قالها الطبيب انو تم استخدام اسيد على كرستين وانه مستحيل يكون شخص واحد عمل كل هالاشياء التشويه الي صاير محتاج على الأقل 3 اشخاص حتى يقدروا يعملوه
