قصة لوح جومانجي
جومانجي : لوح جومانجي الخطير
جومانجي هو كتاب خيالي تم كتابته في سنة 1981 من قبل الكاتب كرس فان، هاد الكتاب بيحكي قصة لوح سحري، هاد اللوح عبارة عن لعبة بتحول الادغال والحيوانات الى واقع يمعنى انو عناصر اللعبة الي هي من الادغال والحيوانات رح تطلع من اللوح وتصير حقيقة
هي اللعبة رح تعطيك مهام لازم تنجزها لحتى يرجع عالمك الحقيقي متل ماكان على طبيعته، وتم اخذ الكتاب هاد وتحويله الى فيلم في سنة 1995 وبعدين صار منه برنامج كرتون او animated television series، وفي سنة 2001 طلع جزء تاني من الكتاب لنفس الكاتب كان اسم الكتاب زاثورا واحداث الكتاب التاني بدءت من نهاية احداث الكتاب الأول، طيب خليني احكيلكن قصة الكتاب الاول
الكتاب هاد كان موجه للاطفال يعني الاشياء القصة الي فيه كانت قصيرة كتير وتعتمد على الرسوم بس، هي الرسوم بتحكي اخيين بنت اسمها جودي وولد اسمه بيتر
بيوم من الايام اهل الطفلين هدول بيعفوهم بالبيت وبيطلعوا وجودي وبيتر ضلوا يلعبوا بالالعاب الموجودة بالبيت لحتى ملوا، لعد ما ملو قرروا انهم يطلعوا يلعبوا بالحديقة.
جودي وبيتر راحوا للحديقة وبالحديقة شافوا صندوق فيه لعبة هي اللعبة مكتوب عليها جومانجي، اخدوا الصندوق وراحوا على البيت فتحوا، شافوا تحذير مكتوب على انو اذا بدأت تلعب باللعبة مارح تقدر توقف لحتى خلص المهام المطلوبة منك، ولكن هنن ما كتير اهتموا لموضوع التحئير وبدأو يلعبوا.
اكتشواف لما بدأو باللعبة انو المخاطر الي رح تواجهها داخل اللعبة رح تصير معك على الواقع يعني اذا كنت عم تواجه اسد فاللعبة رح يطل اسد عندك فالبيت ولازم تتخلص منه لحتى تنجح بالمهمة بعد ما تخلص هي المهمة كل شي صار بيختفي وبيرجع طبيعي وبصير بامكانك تلعب اللعبة مرة تانية او توقف عن اللعب طالما انت انجزت المهمة
بعد ما صار معن هاد الموقف المخيف انو طلع عندن اسد بالبيت، خافوا من اللعبة وقرروا يرجعوها للمكان الي لقوها فيه، وبتنتهي القصة او بينتهي كتاب جومنجي الأول لما بيتر واخته جودي بيشوفو اولاد جيرانهم اخدين اللعبة من الحديقة ورايحين على البيت وبعدها انتهى كتاب جومنجي الأول
انتى كتاب جومانجي مو يعني انك تطلع من الفيديو لسا في احداث كمان كتير طول بالك اذا لسا ما حطيت لاك حط لايك ويلا نكمل القصة
بتتزكروا الكتاب التاني الي قلتكن عليه بالبداية الي اسمه زاثورا ، اي اكيد بتتزركوا لسا من كم دقيقة حكيت عنه مالحقته تنسوه
المهم كتاب زاثورا هو الجزء التاني من جومنجي احداث الكتاب بتبدء من نهاية كتاب جومنجي يعني من لما اولاد الجيران الي اسماءهم داني و والتر شافوا لعبة جومنجي واخدوها معهم على البيت
برجع بقلك انو هدول لكتابين هنن كتب للاطفال مافهم اكشن كتير انا عم بحكيلك القصة الحقيقة الاصلية بعدين رح ندخل بالأكشن
كتاب زاثورا بيعرفنا على الطريقة الي الطفلين داني ووالتر لقوا فيها الكتاب، داني ووالتر كانوا كل واحد بيحب يلعب لعبة شكل داني كان بده يلعب بيسبول ووالتر كان بدو يتفرج على التلفزيون فاداني عصب من والتر وجاب عصاية البيسبول وبيلحق اخوه منشان يضربه بالعصاية،
رد فعل طبيعي من والتر انه يهرب فهرب والتر وطلع من البيت وداني عم يلحقوا منشان يضربه والتر راح لاتجاه الحديقة الي جودي وبيتر تركوا لعبة جومنجي فيها
لما شافوا اللعبة خلص اعلنوا الهدنة بطلوا يضربوا بعض اخدوا اللعبة وراحو على البيت لحتى يستكشوفها، لما فتحوا صندوق اللعبة شافوا لعبة جومانجي وتحت الجومناجي كان في لوح تاني هاد اللوح كان مكتوب عليه زاثورا مغامرة الفضاء
وبما انو زاثورا هي كمالة جومانجي، كقانت نفس المبدأ الي بيصير باللعبة بيصير بالحقيقة وما بيرجع طبيعي لحتى ينهي المهمة، شلف النرد داني وطلعله مهمة بالفضاء لازم يوقف نيزك لازم يطلع على الفضاء ويمسكله شي نيزك طاير او هيك شي،
بهاد الوقت والتر شلف النرد وطلع على الفضاء لعند اخوه داني بس مع الاسف طلع ثقب اسود وشفطه لوالتر ، هاها لما انشطف والتر وين راح راح على الحديقة الي لقوا فيها هو وداني اللعبة والمشهد رجع لهنيك والدنيا كلها رجعت سلمية ولا كأنو صار شي
شاهد أيضاً : أغرب مخلوقات منظمة SCP المخلوق الخجول SCP-096!
هون خلصت قصة الكتب هلا منجي على الأكشن الي هي قصة الفيلم، القصة الرئيسية للفيلم هي نفس قصة لكتاب لانو مبنية على اساسها بس المختلف انهم ضافوا عليها احداث واكشن لحتى يصير فيلم مناسب للكبار او يصير مناسب انو كمية ناس تشوفه غير الاطفال لانو بصراحة قصته حلوة حتى القصة تبع الأطفال انا بتعجنبي حلوة ياخي
الفيلم بيحطلنا بيداية مختلفة شوي، في عام 1869 في شبين بيدفنوا صندوق في مقبرة لانو هاد الصندوق كان يصدر اصوات غريبة وكان مخيف، ومضي مية سنة يعني في سنة 1969 كان في شخص اسمه الين، الين عمل مصيبة مع اشخاص تانين والي هي انو حكى مع بنت بتكون صديقة شخص ما فهدول الاشخاص بيركضوا وره لحتى يضربوه
هو بيهرب منهم بتاجه معمل ابوه وبيحكيلو الي صار معه لوالده، فوالده بيقله خليك رجال وواجه افعالك، أخونا الين فهم الموضوع غلط وطلع لعند الشباب الي كانوا بدن يضربواه واستستلم قلههم اضربوني وروحوا يلا خلينا نخلص من هالموضوع
ماكذبوا خبر الشباب ضربوه وراحو، بعد ما راوحو الين كان مكتئب وزعلان من والده وزعلان من الحالة كلها وراح هج وصار يمشي بالشوارع، وهو ماشي سمع صوت غريب هاد الصوت هو صوت لعبة حومانجي الي كانت مدفونة قبل مية سنة، تتبع مصدر الصوت لحد ما وصل للصندوق المدفون واخده لما رجع على البيت
صار في بينه وبين والده كلام والده كان معصب منه فققرر الين انو يترك البيت ويمشي ضب غراضه اخد وحط لعبة جومناجي معه واجا لحتى يطلع من البيت،
لما فتح باب البيت شاف البنت الي اسمها سارة، الي اصلا كل هالمصايب الي صارت معه بسببها الظاهر كانت جاي تعتذر منه او ش، اللصوت الي كان عم يطلع من اللعبة رجع طلع مرة تانية، فققرر انو يورجيها اللعبة، فتحوا الصندوق الين وسارة وشافوا لعبة جومانجي وقروا القوانين الي مكتوبة عليها قرأوا انو لازم الي يبدا فيها يكلمها والغش ممنوع
لعبت سارة شلفت النرد وعلى حظها طلعلها خفافيش، ولما لعب الين طلع حظه تعيس طلع انو لازم يدخل جوا عالم جومانجي ومايطلع منه لحتى لاعب تاني يطلعله رقم 5 او رقم 8 ونشفط وراح على عالم جومانجي
سارة خافت من اللعبة وخافت من الخفافيش وتركت البيت واللعبة وهربت، سارة قدرت تهرب لانو هي انجزت مهمتها واجهت الخفافيش اما الين رح يضل محبوس داخل عالم جومانجي لحتى يجي شي لاعب ويطلعله رقم 5 او رقم 8
ومرت الايام والين مختفي واهله عم يدورو عليه بس ما حدا بيعرف وينه وبعد 26 سنة بتجي وحدة اسمها نورا هي وولاد اخوها التنين الي هنن جودي وبيتر لحتى يسكنوا فالبيت
بعد ما رتبوا البيت وظبطوه جودي وبيتر سمعوا صوت لعبة جومانجي لحقوا الصوت وشافو اللعبة وقرروا يلعبوا فيها، أول مرة لعبة جودي طلعلهم دبابير كبيرة هجمت عليهم، ولما لعب بيتر طلعلهم قرود خربوا البيت وكسروه وهربوا
بيتر لما لعب النرد طلعله رقمين متشابهين وعلى حسب قوانين اللعبة لما يطلعلك رقمين متشابهين لازم انك تلعب مرة تانية لعب مرة تانية وطلعله رقم خمسة، رقم خمسة الي هو رح يحرر الين، وفعلا طلع الين من اللعبة ولكن طلع معه اسد وصار مواجهة بين الين والاسد وقدر الين انه يحبس الاسد في غرفة ويسكر عليه
الين فرح لانو واخيرا بعد 26 سنة قدر انه يطلع من اللعبة وبحكم هي المدة الطويلة الي قضاها باللعبة كان في كتير اشياء متغيرة ومن هي الاشياء انو المصنع الي كان يشتغل فيه ابوه صار مهجور واكتشف بعدها انو امه اهله ماتوا وانو ابوه قضا كل الوقت وهو يدور عليه بس ما قدر انو يلاقيه
فاكتشف انو خلص ماضل شي تاني مهم يخسره اهله راحوا والمصنع راح فقر انو يرجع للعبة، هلا من قوانين اللعبة انو يلعبوا بالتسلسل واذا كنتوا مركزين معي بالقصة كينا بالبداية انو سارة بدءت بالعبة وبعدها الين وبعدها لعبوا بيتر وجودي فرجع الدور لعند سارة لازم تجي سارة وتلعب
وصلوا لسارة وبدأو يلعبو لعبت جودي طلعلهم حيوانات الجومانجي كلهم وكسروا المدينة وكسروا الدنيا كلها ، لعب بيتر وغش فتحول شكله الى قرد وطلعلهم عناكب ضخمة، لما لعبت سارة طلعلهم تماسيح كبيرة وصار في فياضان بالبيت
لعب الين طلعله الصياد الشرير فان الي كان عم يحاول يقتله ولكن قدر انه يهرب منه،استمروا باللعب واستمرت المصايب تطلع صارت الارض تنشق وتبلعهم والحيوانت عم تكسر كل شي والصياد عم يدور على الين لحتى يقتله
بالاخير الين شلف النرد وطلعله الرقم الي بيوصله على اخر خانة باللعبة يعني ختمها بالكامل خلص تخطوا كل المراحل ولما وصل لهي المرحلة كل شي طلع من اللعبة اختفى،
وكل الدنيا رجعت لطبيعتها وكل هالسنين الي مضيت هي مجرد خمس دقايق من وقت اللعبة الاساسي يعني كل هالاحداث صارت بخمس دقايق مع الين وسارة
قصة جيف القاتل الكاملة
اليوم رح احكيلكم قصة جيف القاتل، جيف القاتل هو شخصية من شخصيات الكريبي باستا.
واذا ما بتعرف ايش هي ال كريبي باستا هي باختصار قصص رعب او اساطير او شخصيات ورسومات بينشرها اشخاص على الانترنت وبامكان اي شخص ينشر القصة بطريقته الخاصة او يضيف عليها اشياء وكلمة كريبي باساتا مؤخذة من كلمة كوبي باستا والي معناها نسخ ولصق .
.والمفروض انو هاد الوصف يعبر عن حالة القصص هي انو كتير اشخاص بتنسخها وبتنشرها
اليوم رح احكيلكم قصة جيف القاتل ولكن هي القصة غير القصة المعروفة الي هي انو بيطلعوله متنمرين وبيقتلهم لا قصة تانية … هي ميزة الكريبيباستا
جيف كان عايش في منطقة فقيرة في المكسيك وكان عايش مع اهله في بيت صغير، وعنده اخت اسمها ميري واخ ، اسمه جيمي، والدته كانت بالبيت ما بتشتغل شي ووالده كان بيشتغل حداد،
وجيف كان انطوائي كتير الى ابعد الحدود كان يكره انه يختلط او يحكي مع اي شخص واي شخص كان يحاول انه يتقرب منه او يحكي معه كان يضربه ويبعد عنه
شاهد ايضاً: نظرية الزواحف البشرية وعلاقتها بالمشاهير!
لما صار عمره 17 سنة صارت علاماته سيءة جداً بالمدرسة ومو بس علاماته الي صارت سيئة حتى تصرفاته لانه صار مدمن كحول ومخدرات، ولهل الاسباب جيف ترك المدرسة وراح يشتغل في سوبر ماركت لحتى يقدر يغطي مصاريفه لحاله..
وكان مكتئب جداً بهي الفترة بسبب هي الاشياء… لما صار عمره 18 اهله عرفو انو جيف مدمن فاخدو منو المصاري وصارو يراقبوه ويتحكمو فيه بشكل كبير
حالته صارت مزرية كتير لانه مدمن والشخص المدمن لما تقطع عنه الشي الي مدمن عليه فجأة رح يصير معه اضطرابات نفسية وجسدية كتير،
حالته كانت سيئة كتير لانو اهله ما عم يخلوه يطلع برا البيت وبيوم من الايام جيف دخل بنوبة ممكن نعتبرها نوبة صرع او شي مشابه اهلها جسم صارف يرجف بشكل مخيف وصار يشوف ويتخيل اشياء غريبة كتير صار يهلوس (مابعرف ليش بذكرني بحالي) المهم.
في هي الليلة الي جيف دخل في هي النوبة.. صحي بنص الليل وراح على المطبخ واخد اكبر سكينة موجودة عندهم وتسلسل على غرفة امه وابوه وطعنهم لحتى ماتو، وبعدها طلع من غرفته وراح على غرفة اخوه جيمي، في هي الاثناء اخته ميري كانت عم تسمع الاصوات والضوضاء هي بس ماكانت عارفة من وين مصدرها فطلعت من غرفتها وراحت على المطبخ لحتى تشرب مي
ولما دخلت عالمطبخ أول شي لاحظته انو البواب كانت مفتوحة واكبر سكينة عندهم مو موجودة بمكانها، شربت المي واجت لحتى تروح على غرفتها لما التفت شافت جيف وراها وبايده السكينة كلها دم وكان مبتسم ابتسامة عريضة كتير وجيف سألها دو يو وانت تو سلييب هل تردين النوم ؟
جيف بعد ما خلص على اهله كلهم هرب من البيت وراح تخبا في بيت مهجور لانو كان تعبان وبده يرتاح وطبعاً الشرطة كانت عم تدور عليه وفعلاً بعد فترة قصيرة الشرطة قدرت تمسكه
لما مسكته الشرطة اخدوه وحطوه بمصحة نفسية لحتى يعالجوه لانو مو بني ادم طبيعي ابدا، بالمصحة حطوه بغرفة صغيرة مافيها شي غير شباك واحد وحطو بالغرفة كاميرا مراقبة لحتى يراقبوا تصرفاته. بعد يومين في المصحة اجت ممرضة لحتى تقدمله وجبة اكل لحتى ياكل ،
جيف لما شاف الممرضة عمل حاله نايم لحد ما قربت لجنبه نط من الفرشة و حاول انه يقتل الممرضة.. بس طبعاً ممرضة بمصحة نفسية ومع شخص حالته متل حالت جيف اكيد بتكون اخدة الاحتياطات اللازمة
وفعلا الممرضة كان في معها اسيد في جيبها بتستدخمه بالحالات الطارئة هاد الاسيد كان مخفف شوي شوي مو كتير يعني مابيحرق لدرجة مميتة بس بيحرق شوي بيعملوه بهاد الشكل لحتى يخدروا المريض او يقدرو انهم يمكسوه بالحالات الطارئة
رشت الاسيد على وجهه ووجه احترق وراحت ملامحه بس بعد تداهم وتدافش بينه وبين الممرضة قدر انو يطلع من الغرفة ويهرب من المصحة.
جيف لما هرب من المصحة كان يروح على المقابر ويتصرف تصرفات غريبة وما منعرف ممكن بيوم من الايام تفتح باب بيتك وتلاقي جيف هو سكينته عم ينتظروك
قصة SCP – 173
سبق وحكينا في مقال سابق عن منظمة SCP وبعض التفاصيل عنها, وفي هاد المقال رح نتعرف على مخلوق يعد من أشهر المخلوقات الموجودة في منظمة SCP والي بيحمل اسم SCP-173
اسم الكيان: SCP-173
فئة الكائن: يوكليد
الوصف: المخلوق SCP-173 هو من أشهر مخلوقات منظمة SCP، تم نقله الى المنظمة في سنة 1993 وأصله لحد الآن غير معروف ولكنه عبارة عن وحش مصنوع من الاسمنت وعلى وجهه بقع طلاء لونها أحمر
وحدة من أشهر صفات SCP-173 انه يتحرك كثير وعدائي جداً، SCP-173 محتجز داخل غرفة محكمة الاغلاق، وفي حال اضطروا بعض اعضاء منظمة SCP انهم يدخلو على الغرفة الي موجود فيها SCP-173 لازم يكونوا على الأقل 3 اشخاص،
ولازم شخص من الاشخاص الي يدخلوا على الغرفة يبقى على تواصل نظري مع المخلوق SCP-173 والا رح يصير مصيبة!
في حال الشخص الي كان على تواصل نظري مع المخلوق حرك نظره وصار نظره في مكان اخر غير عيون المخلوق هاد، رح يهجم عليه بشكل سريع ومباشر ويقتله، والحالات القتل المسجلة كانت اما بالخنق او قطع الرقبة.
اطلع على المزيد من قصص رعب
اطلع على المزيد من قصص منظمة SCP
لذلك لما يدخلوا مجموعة اشخاص على غرفة SCP-173 لازم يحافظوا على خط النظر مع هاد المخلوق والا رح ينتهي أمرهم!
المداة ذات اللون البني الي موجودة على الارض هي عبارة عن برزا ودم وفضلات خلفها SCP-173 ويجب تنضيفها كل اسبوعين
وايضاً الصورة الي موجودة في الاعلى هي الصورة الوحيدة لSCP-173 وهي صورة صدرت سنة 2004 للفنان ازومي كاتو والفنان الي عمل الصورة ما اله اي علاقة بالمخلوق SCP-173
يعني منظمة SCP هي الي اخدت الصورة واستخدمتها لوصف المخلوق SCP-173 والمنظمة كاتبة تحذير بموقعها بخصوص الصورة،
والتحذير بيقول انه ازومي كاتو ماعنده اي صلة بالمخلوق SCP-173 ولا يجب على أي شخص ان يتواصل معه بخصوص الصورة.
في كمان لعبة انعملت لنفس الشخصية، اول ما تبدء باللعبة رح تواجه المخلوق SCP-173 ورح تكون انت شخصية من الشخصيات الي تم اخذها من الزنزانة لحتى تواجه المخلوق، وفجأة بينقطع التيار الكهربائي وبصير يهجم عليك.
هدف المخلوق الي موجود باللعبة هو انو يقتلك، وهدفك انك دائماً تبقى على تواصل نظري معه لحتى ما يهجم عليك، واثناء اللعب رح يحاول يهرب منك ويطلع من غير غرفة بحيث انه يقطع التواصل النظري معك لحتى يقدر يسيطر عليك ويقتلك
لذلك لازم يكون عندك سرعة بديهة وتكون دائماً جاهز لحتى تخلي عينك على عينه بشكل ثابت وتحافظ على حياتك
والتيار الكهربائي رح ينقطع دائماً بشكل مفاجئ اثناء اللعب يعني اذا حبيت تلعب اللعبة لازم تحضر حالك على Scary Jump كتير.
كمان رح يكون فيه عملاء MTF رح يواجهوا SCP-173 وهدفهم الرئيسي هو انهم يسيطروا عليه ويرجعوا يحبسوه مرة تانية بدون الاخذ بعين الاعتبار انه رح يهجم عليهم في حال ما حافظوا على تواصل نظري ثابت معه.
الصورة الي موجودة فوق هي صورة للرسومات الي رح تشوفها داخل اللعبة، في حافظة او زنزانة صغيرة (الي موجودة اول صورة على طرف اليسار) هي الحافظة الي لازم تحبس المخلوق فيها والصورة الي جنبها هي صورة الحافظة بعد ما تحبس المخلوق فيها،
والصورة الثالثة هي صورة العامل عم يقرب من SCP-173 لحتى يحاول يمسكه
الصورة الرابعة هي صورة الشخصية لما تلعبها في يوم 31 اكتوبر والي هو يوم الهالووين، رح تلاحظ انو شكله متغير الى يقطينة وهذا الشيء رح يصير فقط في يوم الهالوين.
اما الصورة الخامسة والسادسة هي صور موديلات SCP-173 الاولى بعد ما صار فيه خلل بالشخصية والصورة الي بعدها هي نسخ أولية من المخلوق الي رح يكون رقمه 0.1-0.1.2.
الصورة السابعة هي صورة التحذير او صورة البوستر الي اعلنت فيه منظمة SCP انو الكيان 173 هرب من الحافظة الي لازم يكون فيها ولازم ضروري كل عمال المنظمة يبحثوا عليه ويرجعوه
الصورة الثامنة هي عبارة عن وثيقة تشرح صفات الكيان 173 ووثيقةبكل التفاصيل الي ذكرتها في بداية المقال.
والصورة الاخيرة هي صورة الكيان 173 بالشكل الي رح يكون فيه موجود في شاشة تحميل اللعبة قبل البدء
شكراً لمتابعك لهذا المقال واذا بتحب تقرأ اكثر عن منظمة SCP اضغط على هذا الرابط