قصص جن قصيرة: بيت مسكون بعائلة جن

عشاق قصص الجن والقصص المرعبة القصيرة، هي القصة رح تكون مناسبة ألكم مية بالمية

حكيت فيها قصة جن حقيقية صارت مع عائلة اشتروا بيت جديد واكشتفوا انه مسكون

قرأة ممتعة

قصص جن قصيرة: بيت مسكون بعائلة جن

في يوم من الأيام عائلة صغيرة مؤلفة من زوج وزوجة وطفلين، قرروا انهم ينتقلوا إلى بيت جديد، فبدأ الزوج أنه يبحث عن بيت جديد لحتى يستأجره اثناء عملية البحث شاف بيت مهجور من مدة طويلة بيت قديم كتير فتناقش مع صاحب البيت واتفقوا على انو صاحب البيت يصلح البيت ويدهن الغرف ويعمل التصليحات اللازمة ويأجره للعيلة هي وبسبب انو البيت مهجور وهالاشياء هي اتفقوا على سعر كان مناسب جداً للعيلة هي لانهم رح ياخدو بيت كبير وحلو بسعر رخيص صح هاد البيت مهجور وقديم بس طالما صاحب البيت رح يصلحه قبل فليش لا كانت صفقة حلوة

فعلاً بعد ما البيت تصلح وصار كل شي جاهز اخدوا اغراضهم وانتقلوا عليه وكملوا حياتهم طبيعية الزوج كان يروح كل يوم الصبح على شغله ويرجع المسا والاولاد والزوجة بالبيت، الزوجة كانت تسهر كتير كانت تبقى صاحية لوقت متاخر وتضل على التلفزيون تتابع افلام او مسلسلات والحياة عادية.

بيوم من الايام رجع الزوج من الشغل شاف زوجته مرعوبة وكان جسمها مصفر صاير لونها اصفر، لما سألتها زوجها ايش في ايش الي صاير ليش هيك شكللك، قالتله انها سمعت اصوات ضجيج غريبة في المرر الي جنب المطبخ وانها كمان كانت تسمع صوت اطفال يركضوا في البيت ويصرخوا.

طبعاً الزوج جاوبها جواب منطقي وعقلاني، قالها انتي عم تسهري كتير باليل على الافلام وهالاشياء فطبيعي تصيري تتخيلي اشياء متل هي لازم ما تسهري ولا عاد تشوفي افلام مرة تانية لحتى هالوساس مايرجع يجيكي مرة تانية، ومضيت هي الليلة على خير

تاني يوم لما رجع الزوج ممن شغله شاف زوجته مخشبة، كانت في وضع أبشع بكتير من الي كانت فيه الليلة الماضية وكانت قاعدة بمكانها ولا قادرة تتحرك ولا تعمل أي شي وكانها دخلت بغيبوبة،

حاول يرش عليها مي ويصحيها، لما صحيت وسألتها عن الشي الي صار، قالتله انو في مرا كانت موجودة معي بالصالة وحتى انها صارت تحكي معي وقالتلي انو هي وعيلتها ساكنين في هاد البيت من مدة طويلة وما ممكن انهم يطلعوا منه

ونصحنتني انو نطلع من البيت باسرع وقت لانو البيت ماممكن يتحمل بيتين، ولا عقل الزوج كان ممكن انه يتحمل الكلام الي قالتله لحد ما ظهر فجأة شخص قصير ودخل على الغرفة صار يحكي مع الزوج وقله الكلام هاد صحيح ونحن مابدنا نأذيكن فياريت انكم تطلعوا من البيت في أسرع وقت ممكن.