قصة اختفاء الطفل تمثي بسبب والدته المكتئبة!
تمثي هو طفل بريئ لطيف كيوت متله متل أي طفل لسا جديد على الحياة، بس للاسف والدته الي اسمها ايمي كانت مريضة ومرضها دمر حياته بالكامل،وانا لما قلت مريضة ما قصدت انها مريضة مرض جسدي، بل مرضها كان الاكتئاب.
وحدة من الاشياء السيئة الي ساهمت في زيادة الاكتئاب عندها هي علاقاتها الفاشلة نوعاً ما، لان أيمي تزوجت ٣ مرات وفي المرات ل٣ كانت تطلق وما تقدر تكمل حياتها، وفي مرة من المرات حاولت تنتحر بس ما نجحت وضلت عايشة.
بعد فترة ايمي تعرفت على شخص اسمه جيم بتزن ولحسن الحظ تزوجوا و تمثي هو ابنها من جيم، وطبعاً ايمي كانت سعيدة جداً بهاد الشي وكانت متعلقة كتير بابنها لانو واخيرا بعد كل التجارب السيئة الي كانت تمر فيها تزوجت وصار عندها ولد واستقرت
( جملة جانبية للقصة: لما راحو يسجلو ابنهن بالنفوس كتبو اسمه غلط عمداً تمثي بالنكتب بحرف m واحد بس سجلوه ب mm لان ايمي قالت انو بدها ابنها يكون مميز بكل شي حتى عن الاشخاص الي اسمهم نفس الاسم)يعني هي لهي الدرجة كانت متعلقة فيه وبدها ياه يكون مميز عن الكل حتى عن الاشخاص الي بيحملو نفس الاسم
حياتها من طرف ابنها كانت ممتازة ولكن من الطرف زوجها العكس تماماً، لان المشاكل بينها وبين زوجه كبرت كتير ووزاادت ووصلت لدرجة ان ايمي صارت متأكدة انو طلاقها الرابع جاي عالطريق،وهون بتبلش المصيبة.
متل ما قلتلكن بالبداية ان ايمي متعلقة بابنها بشكل لا يوصف، وبحكم ماضيها مع الطلاقات وماضيها مع مرضها النفسي ومحاولات الانتحار أكيد لما يصير طلاق مارح تقدر تاخد حضانة ابنها رح تخسر القضية وتخسر ابنها الوحيد.
في تاريخ ١١/٥/٢٠١١ جيم وصل ابنه على المدرسة متل أي يوم طبيعي وابداً ما كان متوقع ان هاد اليوم هو اخر يوم رح يشوف فيه ابنه.
لما رجع وقت نهاية الدوام لحتى ياخد ابنه قالوله بالمدرسة ان قبل نص ساعة اجت والدته وقالت ان في حالة طارئة بالعيلة ولازم تاخد تمثي وتروح، طبعاً جيم لما سمع القصة انصدم لانو اولا ما في حالة طارئة بالعيلة، ولا ايمي قالته انها رح تاخد الولد او تعمل اي شي، حاول انو يتصل فيها اكتر من مرة بس ماكانت تجاوب على مكالمتها، مع ان جيم كان خايف كتير الا انه كان واثق من حب ايمي لابنها واكيد مارح تعمل شيء يضره.
لما وصل الموضوع للشرطة وبدء التحقيق بالموضوع، تبين ان ايمي اخدت تمثي وراحت فيه على مدينة العاب مائية وحديقة حيوانات وبعدها على محل حلويات، طيب شلون عرفو كل هالتفاصيل؟ شافوها بكاميرات المراقبة الي كانت موجودة بهي الاماكن
بعد ما خلصت رحلتها بالاماكن هي اتصلت ايمي باخوها وقالتو ان تمثي بخير وهو معي ورح يضل معي ما حدا رح ياخده مني ، واتصلت مرة تانية بامها وكررت لها نفس الكلام تمثي الي وما حدا رح ياخده مني، بس بمكالمتها مع امها انسمع صوت تمثي وهو كان عم يقول لاهم انه ججوعان وعم يطلب اكل، فهل ياترى تمثي فعلاً كان بأمان مع امه ؟؟؟
بعد يومين يعني في تاريخ ١٣/٥/٢٠١١ ايمي وابنها عملو تشك اوت من الفندق الي كانوا فيه وطلعوا، وكان هاد اليوم هو اول يوم بيتظهر فيه ايمي بدون ابنها، واخر يوم لوجود ابنها، بعدها بكم ساعة ظهرت ايمي بمحل ببيع مستلزمات كل شي وكانت لحالها بدون تمثي، واشترت من هاد المكان اوراق وراحت على مطعم لحتى تشتري اكل وكمان كانت لحالها بدون تمثي، وبعدها راحت على فندق تاني غير الفندق الي كانت فيه اول مرة واخدت غرفة لشخص واحد يعني مافي حدا غيرها بالغرفة
وفي صباح اليوم التالي ايمي ماتت لما دخلوا على الغرفة وشافوها كان في كدمات على رقبتها، وبعد ما اخدو الجثة وحلووها تبين في دمها انو كانت شربانة كمية حبوب كبيرة، يعني ايمي انتحرت، ايمي كانت تاركة رسالة بالغرفة اعتذرت فيها من عائلتها عن المشاكل الي سببتها، وقالت ان تمثي بخير ولكن مارح تقدرو تلاقوه ابداً.
هلأ عرفنا انو ايمي انتحرت، بس السؤال الي كل الناس صارت تسأله وحتى قنوات تلفزيونية هو وين تمثي؟
انتشرت القصة بين كل الناس لان اغلب القنوات التلفزيونية غططها وكل الناس صارت تبحث عن تثمي لاسابيع وشهور طويلة ولكن تمثي ماله اي اثر. وبعد مرور سنين طويلة الناس يأست من الموضوع وصاروا يقولو انو احتمال العثور على تمثي ضعيف جداً.. طبعاً الا والده وهاد الشي طبيعي برأي كان مصر على انه ابنه موجود في مكان ما ورح يجتمع فيه عن قريب.
وبدأ احساس يتحقق في شهر ابريل سنة ٢٠١٩ من شب يدعي انه تمثي وقال انه هرب من خاطفين احتجزوه لمدة ٧ سنين وهو بطريقة ما قدر يهرب منهم، طبعاً الاب فرح بعودة ابنه واخيراً القضية انحلت، لما اجى الشخص الي كان عم يقول عن تمثي عملوله فحص دي ان اي
ولما طلعت النتجية تبين ان الشخص مجرم عمره ٢٣ سنة، شاف قصة تمثي عالتلفزيون فقرر انو انتحل شخصية تمثي لحتى يهرب من الحكم الي عليه او يغير اسمه بطريقة ما منشان يهرب من الجرايم الي كان عمالها، ولحد الآن ما في اي معلومات عن تمثي غير النظريات الي رح احكيلكن ياها استعدوا
الشرطة لما شافوا سياتها الي كانت موجودة في مكان شبه غابة وصاروا يفتشوها لحتى يبحثوا عن دلائل، فشافو بقع دم بالسيارة وبعد تحليله تبين ان دم تمثي، فالنظرية الي صارت الناس تداولها ان ايمي قتلت ابنها وانتحرت بعدها، في ناس كذبت هي النظرية وهاد الشي طبيعي جداً لانو هي مجرد نظرية ماعنا شي حقيقي ملموس هي مجرد اراء فقط، والسبب الي خلانه يكذبوا هي النظرية انو ايمي بتحب ابنها كتير ليش لحتى تقتله.
في هي النقطة انا عندي رأي معاكس تماماً لهاد وهو أنو لانها بتحبو يمكن قتلته يمكن خافت عليه ان يعيش وحيد او يتعذب بدونها او يصير معه شيء بسبب فقدان امه، لانو على الارجح هي مخططة انها تنتحر من زمان لذلك اخدته على حديقة الحيوانات وعلى المدينة المائية وهي الاماكن الترفهية وكانها عم تحاول تسعده في ايامه وايامه الاخيرة وبعدين قتلته وانتحرت( مرة تانية هي مجرد نظرية )
