عادةً لما منحكي قصة اختفاء شخص ما، في أغلب الأحياناً القصة بتكون مليئية بالنظريات والتفسيرات عن سبب اختفاء هاد الشخص، وهي التفسيرات ممكن تكون صحيحة في بعض االأحيان.
ولكن قصة برونو بورجيس مختلفة تماماً لانو بعد ما اختفى وبدءت النظريات تطلع عنه، رجع وحكى الحقيقة.
قصة اختفاء الشاب برونو بورغيس
برونو هو طالب فلسفة برازيلي عمره ٢٤ سنة، ما عنا معلومات كتيرة عنه غير انه كان شخص يحب يقرأ كتب كتير ويسأل أسئلة أكتر ( برأي هاد الشي متوقع من طالب فلسفلة) في يوم ٢٧/٣/٢٠١٧ برونو اختفى وهي اخر مرة انشاف فيها، وترك وراه غرفة كلها رموز ورسومات غريبة، بالاضافة الى كتب كان هو كاتبها، وكل الكتابات الي كانت مكتوبة بالغرفة وبالكتب كانت مكتوبة بأكواد معينة او ب لغة غريبة ما حدا بيقدر يفهمها، والي أغرب من اللغة الي مكتوب فيها هي صورة برونو مع مخلوق فضائي، وكمان شغلة تانية غريبة هي تمثال لفيلسوف اسمه جيودارنو برونو، وهاد التمثال اله مهم جداً جداً لاحداث القصة، رح نعرف عنه أكتر بعد شوي
شاهد أيضاً: قصص كريبي باستا
اهل برونو كانو بالوقت الي اختفى فيه كانو في عطلة، ولما رجعوا على البيت ومالاقوا ابنهن بلغوا الشرطة والشرطة بدأت تحقق بالمووضوع وطبعاً صوروا الغرفة وبطريقة ما القصة انتشرت على الانترنت وكل الصور والفيديوهات الي من غرفة برونو انتشرت.
اثناء التحقيق الشرطة كانت تسأل والدة برونو عن الغرفة شلون رسم وكتب كل هالاشياء شلون جاب التمثال على الغرفة.
بناء على كلام الأم برونو كان يقلن انو عم يشتغل على مشروع للدراسة، وكان دائما يخلي باب غرفته مقفول وما يخلي حدا يدخل او يشوف الاشياء الي بالعرفة لان المشروع كان سري.
ومن بعد هالكلام والصور والفيديوهات الي انتشرت من غرفة برونو بدءت الناس تطالع نظريات، وأولها انو برونو عم يتعامل مع الفضائيين أو الفضائيين خطفوه، وهاد الشي اجاء بناء على صورته مع الفضائي الي كانت موجودة بااغرفة، ونظرية تانية بتقول ان الماسونية هي الي خطفت برونو، لانو واضح من الرسومات الي موجودة بالغرفة فيها رموز ماسونية مثلث، فرجار نجوم.. وكل الاشياء هي يمكن عنده اجتماع الزلمة وراح لعندن او يمكن ازعجهم بشي شغلة وقرروا يتخلصوا منه.
ولكن كل النظريات طلعت غير صحيحة لانو بعد خمس شهور برونو رجع عالبيت، وأكد للناس انه ما كان مخطوف ولا كان ضايع ولا كان عند الفضائيين ولا كان فيه أي شي من الكلام الي حكوه الناس.
هلأ صار دور تمثال الفيلسوف الي كان بالغرفة، هاد الفيلسوف كان مؤمن بنظرية الحياة على الكواكب التانية وان الكون هو مكان لا نهائي وكان يحاول يشرح للناس هاد الشي، ولكن ردة فعل الناس كانت سلبية جداً اتجاه لانو بالفترة الي كان عايش فيها ماكان حدا مقتنع بهاد الكلام ابدا ولا كانو يتقبلوه ل٫لك في سنة 1600 تم اعدام هاد الفيلسوف واحراقه بتهمة نشر البدع والخزعبلات، ويبدو انو طالب الفلسفة البرازليي برونو كان متأثر الفيلسوف الايطالي برونو، فكان برونو عم يحاول يكمل مسيرته.
طيب هلأ عرفنا كلشي وعرفنا انو برونو اختفى ورجع، بس ما قلتكن وين كان.. برونو كان مقيم في فندق ورا هاد الفندق كان في غابة كبيرة معروفة بالنشاطات الروحية الي كانت تصير فيها، فا برونو كان في هديك الغابة عم يحاول يبحث عن الروح المفقودة
