في مقال (فيديو) نشرته قبل فترة عن قصة اليوتيوبر المخطوفة kate yup في هداك الفيديو قلت انو في فيديو محذوف، وكان في بعض النقاط متعلقة في الفيديو المحذوف ل kate yup ما غطيتها لانو ببساطة ما كنت ملاقي الفيديو المحذوف.. فهاد الفيديو هو عبارة عن اتحديث او تكملة لهداك الفيديو رح اغطي نقاط ما حكيتها في هداك الفيديو والي هي الفيديو المحذوف والتلميحات الي صارت فيه،بالإضافة الى وجه kate yup ودليل تاني احتمال يثبتلنا ان kate مفبركة ومألفة هاد الموضوع كله
الفيديو المحذوف يعتبر شوية فيه شوية عنف ( ما بعرف اذا رح اقدر اعرضه كله او لا) ولكن في بعض اللقطاات في هاد الفيديو تعتبر رسائل واضحة وصريحة، اول شي بيبدأ الفيديو لما كانت kate معلقة السمكة بالهوا وعم تحاول تشرب السمكة كولا وتحط حبوب المينتوس بشكل عنيف شوي بعد ما تحط الكولا كانت تجيب شي تاني تحطه داخل السمكة وكأنها عم تكبسها غصب..فهل ياترى الشي الي عم تعملو kate بالسمكة هو نفس الشي الي في حدا عم يعمله معها؟؟ هاد مو المشهد الوحيد الي بيوحي بهي الفكرة… في مشهد تاني في نفس الفيديوkate عم تقطع بطن السمكة وتحط فيها بالون وتحط حبوب مينتوس وكولا وتخيطها.
تشابه احداث الفيديو هاد بالقصة الي طلعت عن كيت ياب والنظريات هي كلها خلت الناس تعتقد انو الوضع . يمكن هاد الفيديو كان عبارة عن رسالة واضحة من كيت للمشاهدين لحتى توصلن الطريقة الي العصابة عم تتعامل معا فيها ولما اكتشفوه العصابة حذفوه.. او حذفه اليوتيوب بسبب العنف الي فيه ؟؟
اما بالنسبة لبوستر البنت المفقودة هاد تم ايجاده على الفيسبوك بتاريخ ٢٣ سبتمتر ٢٠١٩ لبنت عمرها ١٦ سنة مفقودة من سنة ٢٠١٨ يعني في نفس السنة الي تم فيها انشاء قناة kate yup. وكمان ملامح البنت الي موجودة في بوستر هي مشابهة بنسبة ما لملامح كيت الي موجودة بصورة قناة kate yup و في بعض الفيديوهات الي ظهر فيها اجزاء من جسمها متل ايديها اكوعها وانفها.
واخيراً السر الي يمكن يثبتلنا ان kate yup هي المسؤولة عن كل هالخطة هو مشهد صغير في فيديو عندها عنوانه i am alive، في هاد المشهد ظهر في طرف الطاولة او طرف الفيديو كاسة مكتوب عليها challengeh the room هي الشركة هي شركة فرنسية مختصة بلعبة او تحدي الهروب من الغرفة.. هاد هي اللعبة بختصار بحطوك في مكان فيه اسرار مخفية وتحديات، والمطلوب منك انك تكتشف الاسرار الموجودة بالغرفة وتحلها لحتى تقدر تطلع من الغرفة وتفوز.. احياناً الغرف او التحديات الي بيعطوك ياها بتكون مرعبة،او مضحكة….هاد الشي بيعطينا اكتر من احتمال. الاول ان كيت هي فرنسية أو على الاقل موجودة في فرنسا.. بمكان قريب من هي الشركة، تاني احتمال بما ان كيت كانت موجودة في هي الشركة يعني ممكن تكون هي عم تلعب هي اللعبة مع المتابعين استخدمت اسلوب اللعبة وحطت الغاز في فيديوهاتها لحتى الناس تحلها وألفت هي القصص والنظريات كلها….
في نفس الوقت كان في فيديو لبنت قالو عنها انها كيت ياب
