تاكاهيرو سفاح تويتر (سفاح التويتر الياباني)

تاكاهيرو سفاح تويتر (سفاح التويتر الياباني)

في وفتنا الحالي اعتقد انو كمية الناس الي ما بيستخدموا الانترنت وما بيستخدموا السوشل ميديا هي قليلة جداً، وخصوصاً في أخر سنتين مع الجائحة الي خربت الكرة الارضية كل شيء بالحياة  صار عن طريق الانترنت كل شيء حرفياً، بما في ذلك جرائم القتل!

رح نحكي اليوم قصة Takahiro Shiraishi (تاكا هيرو) أو المعروف باسم سفاح تويتر الياباني الي تم العثور على 9 جثث مقطعة في بيته

في اواخر سنة 2017 ايكوا تمارو البنت الي عمرها 23 اختفت،والمشكلة أن البنت هي كان عندها مشاكل نفسية كتير، فاهلها كانو متوقعين انو اختفائها هاد مافيه خير ابداً، اخوها بحث عنها في كل الاماكن الي ممكن تكون موجودة فيها ولكن مع الاسف ما كان الها ااثر، فقرر أنو يفتح كمبيوترها اليموجود بالبيت على أمل انو يلاقي شي معلومات تساعده يعرف وين أخته.

شاهد ايضاً:قضية كريستين المأساوية +18

ولما فتح اللابتوب دخل على حسابها بالتويتر، ايكو كانت تنشر تغريدات تعبتر فيها عن حالتها وعن رغبتها بالانتحار وعن الافكار الي كانت تفكر فيها، وكمان من الاشياء الي شافها في حساب التويتر رسالة من شخص مكتوب فيها “lets die togather”

لما شاف اخواها التغريدات وشاف الرسالة عرف انو الوضع سيء جداً، فحاول انو يعرف مكان الشخص صاحب الرسالة بس كان صعب جداً انو يوصلو من حسابو التويتر بس، فتواصل مع بنت كانت بتعرف الشخص صاحب الرسالة وقدر يقنعها بانو توصله هو والشرطة على بيت السفاح، لانو كانو متأكدين انو هاد الشخص اله علاقة باختفاء البنت

لما وصلوا على البيت الي كان بيبعد حوالي 40 دقيقة من بيت ايكو دقوا الباب وسألو الشخص الموجود بالبيت عن ايكوا، وجاوبه كان عبارة عن اشارة بايده اشرلن على غرفة من غرف البيت وبس

دخلو يفتشتوا البيت وشافوا صندوق، أو مجموعة صناديق كل صندوق مخبئ في مكان معين من البيت وداخل الصناديق في جثث وأعضاء مقطعة، ومع الاسف ايكوا كانت من الاشخاص الموجودين بالصناديق وهون عرفت الشرطة انهم عم يواجهوا قاتل خطير وسفاح

والي بزيد الجريمة بشاعة هي الطريقة الي كان يتستردج فيها ضحاياها الي كلهن بنات ما عدا شخص واحد شب،

لقب سفاح التويتر ماا اجاه عن عبث لانو كان يوصل لكل ضحاياه عن طريق التويتر، تاكاهيرو كان عامل اكتر من حساب تويتر وكان ينشر بالحسابات هي تغريدات عن الاكتئاب وعن الخطط الانتحارية والقصص هي، ومن الطبيعي انو اغلب الاشخاص الي رح يتابعو هنن اشخاص مهتمين بالشي الي عم ينشره فهو كان يستغل هاد الموضوع.

كان يتواصل مع البنات الي تعرفوا على حسابو من المنشورات الي كان ينشرها، ويخليهن يوثقوا فيه بطريقة عمياء كان يقلن انا مريت بنفس الظروف وانا حاسس فيكن ولا تحكوا لحدا احكولي الي ومن هاد الكلام لحتى البنت تقتنع بكلامه وتوثق فيه وبعد ما توثق فيه بيقلها lets die togather، كان يطلب منهن يجوا لعندو عالبيت بحجة انهن رح ينتحروا مع بعض ولما توصل البنت عالبيت يتعدى عليها ويغتصبها وبعدين يقتلها.