اسوء سنة في التاريخ
مصطلح اسوء سنة في التاريخ صار مستخدم كتير اخر فترة بسبب ٢٠٢٠ والأحداث الجميلة الي عرضتها علينا ٢٠٢٠، ولكن رغم كل المصايب والكوارث هي تبقى سنة ٢٠٢٠ مو اسوء سنة لانو في سنة صار فيها أحداث مرعبة وكوارث ومصايب أكتر من ٢٠٢٠ بكتير، وهي سنة ٥٣٦
سنة ٥٣٦ مو بس كانت اسوء سنة في التاريخ لحالها وخلص، لا بل الاحداث الي صارت فيها استمرت اثار الكوارث الي صارت لحوالي ١٠ سنين بعدها، وخلينا نتعرف على هي الأحداث
الضباب وغياب الشمس
المؤرخ البيظنيطي procopius : كتبلنا ان في سنة ٥٣٦ بدأ ضو الشمس يصير ضعيف الجو صار بالنهار ظلام وبالليل ظلام طول الوقت يعني سنة كاملة مافي شمس. مو بس procopius الي كتب عن هاد الموضوع في شخص تاني اسمو Michael the Syrian أو بالعربي ميخائيل السرياني قال لنا أن في سنة ٥٣٦ (اسوء سنة في التاريخ) الشمس صارت مظلمة وكانت الناس تلمح ضوها الضعيف والخافت جداً لمدة ٤ ساعات فقط في اليوم، الضو ظاهر مو يعني انها موجودة وطبيعية
كانت الدنيا كلها ضباب والضو خفيف كتيييير كتير واستمرت على هي الحالة لمدة ١٨ شهر و ١٨ شهر بدون شمس وفي نفس السنة كمان صار في انفجارات بركانية، ادت الى غيوم سوداء كبيرة ورماد منتشرين تقريباً في كل الكرة الأرضية.
ومن خلال شوية معلومات من كتاب العلوم منعرف انو لما تزرع شي بالارض لازم يشوف اشعة الشمس حتى ينبت، واذا المحاصيل الزراعية ما نبتت يعني مارح يكون في أكل للناس يعني رح يصير مجاعة. وهاد الي صار بسبب غياب الشمس والضباب الكثيف الي كان موجود نقصت درجة حرارة الكرة الأرضية من ١٫٦ الى ٢٫٦ درجة مؤوية، ووحدة من هي المجاعات صارت في ايرلندا وكان اسم المجاعة فشل الخبز
ولسا الآتي اعظم اصبر معي شوي
بالإضافة إلى الكوارث الي ذكرتها في ٥٣٦ اجا وباء واجتاح الكرة الأرضية كلها وسبب انتشار الوباء السريع كان نقص الفيتامين عن د عن الناس وهاد الفيتامين بيجي من الشمس مافي شمس يعني مافي فيتامين يعني الوباء رح ينتشر بين كل الناس ومارح يرحم حدا، الوباء عبارة عن حبوب مليئة بالقيح كانت تبدأ في كف الأيد وبعدها تنتشر في كل الجسم، الوباء هاد بدأ في القصطنطينة aka اسطنبول
وبسبب كميات الناس الكبيرة الي كانت تموت ماضل عندن اماكن يدفنو الناس فيها فكات تتمشى وتشوف جثث بالأراض وين مامشيت، وبنناء على ذلك كان في أمبراطور اسمه جستين أصدر أمر بأن يتم نقلل الاشخاص المييتين لبرا المدينة ولكن هاد الشي ادى لتعريض حياة الأشخاص الي رح ينقلو الجثث اللى خطر وبالتالي ناس أكتر رح يصيبها المرض بسبب المخالطة..
ونتيجة لهاد الأمر ٥٠ مليون بني ادم مات وتم تسمية المرض باسم طاعون جستينان على اسم الامبراطور الي سبب بموت عدد كبير من الناس ولسا احداث سنة ٥٣٦ ماخلصت.
في سنة ٥٣٦ مناخ الصين حب يشارك في السباق مع العالم ووصارت السما مليئة بالغبار دائماً بالإضافة للتلج الي كان ينزل في فصل الصيف، وهاد الاضطراب ادى الى مجاعة ووفاة من ٧٠ الى ٨٠ بالمية من عدد سكان الصين
