أغرب موقع انترنت بالعالم

اعتقد انو جميعنا متفقين على أن الأنترنت مكان حلو وغريب بنفس بالوقت وفيه اشياء ما بتخطر عالبال… هل تتفق معي ولا لا ؟…… ممكن تلاقي فيديوهات غريبة او صور ما تقدر تعرف ليش موجودة بالحياة أصلاً أو حتى مواقع الكترونية الي اليوم رح نحكي عن واحد من أغرب المواقع.. الي بصراحة خلاني احس انو اله علاقة بالكوارث الي عم تصير هي السنة…. وهاد الموقع اسمه Enricks

للوهلة الأولى او ما تدخل عالموقع بتفكر أنه موقع عادي جداً فيو كتابة وصورة على ما يبدو أنها صورة دكتورة هي الموجود بالصفحة الرئسية…. الموقع كان مكتوب باللغة التايلاندية وبعد ما تم ترجمة الكلام المكتوب تبين انهم عم يحكو عن مرض اسمه Enricks ومرض أو امراض Enricks هي مجموعة امراض من نفس الفصيلة وتحديداً شي اسمه gomex وهاد gomex هو مرض جيني بصير بخلايا الانسجة… مدري شلون انا مابفهم بالعلوم بس وعلى يمين الصفحة في كود مؤلف من ارقام واحرف وصورة دكتورة

هون بتبلش الاشياء الغريبة تطلع لانو لو بحثت عن شي اسمه اEnricks او gomex مارح تلاقي ولا معلومة غير من الموقع هاد يعني امراض مالها وجود نهائياً ويبدوا انها من اختراع صاحب الموقع هاد

ولو جينا ضغطت على صورة الدكتورة الي عاليمين رح يبلش الموقع يتحول الكلام المكتوب رح يصير فيه قتلشات او يصير كلام مخربط وحتى صورة الدكتورة رح تخرب وبعد البحث عن صورة الدكورة هي تبين انها دكتورة اسنان وما حدا بيعرف ليش صورتها موجودة بالموقع ……. ولو ضغطت عليها خمس مرات ورا بعض رح تتغير الصصفحة ويطلعلك سمايل وجنبه جملة يقال فيها ارجوك استيقظ وشكراً لزيارتك لموقعنا، وشغلة تانية مثيرة للاهتمام انو عنوان الصفحة هي كان help يعني المساعدة

خلينا هلأ نروح عالصفحة التاتنية ونشوف المصايب الي فيها…. اول ما تضغط عليها رح يطلعلك مفتاح ازرق وعلى الطرف مكتوب ايررو واخطاء هيك… لما تضغط عالمفتاح رح يرجعك على الصفحة الرئسية بس لو نزلت لتحت شوي بالزاوية اليسار من الموقع رح تشوف كلمةbybass وهي الكلمة فيها رابط لما تضغط عليه رح يحولك على صفحة تانية فيها جملة الحلم ينتهي يا تايلر… وفيها فيديو خلينا ناخد نظرة سريعة على الفيديو

الصفحة الاخيرة ما كان فيها شي غريب…. في في رابط برجعك للصفحة الرئيسية وكلام عن متصفح الاننترنت انو اذا عندك ممشاكل غير المتصفح

هلأ في نظرية بتقول انو الفيييديو الي موجود بالصفحة الي اسمها باي باس هو جزء من arg اسمها lost والي رح اقدملكن ياها عالقناة قريباً فاستعدوا… فقالو بما انو الفيديو هو جزء من قصة lost فيمكن انو يكون هاد الموقع كمان تابع للقصة نفسا.. ولكن مافي شي اله علاقة بمرض اسمه Enricks او شيء من الاشياء الي انذكرت بالموقع بالقصة هديك وماحدا زكرها ابدا ..

بتتزكروا المفتاح الي كان موجود بالصفحة التانية… هاد المفتاح لما تضغط عليه اكتر من مرة رح يطلعلك ملف بي دي اف هاد الملف هو عبارة عن كتاب فيو رسوم كرتونية ملونة ومكتوب كمان باللغة التايلندية وبعد ما تم ترجمته تبين انو الكتاب بيحكي عن مرض نفسي كمان ما هو موجود بالحياة

الموقع محذوف حالياً ومو جود، ولكن تتزكروا لما قلتلكن ببداية الفيديو انه ممكن يكون اله علاقة بالاحادث الي عم تصير هي السنة.. ومن اهما انو مرض ما كان موجود وفجأة طلع