أفضل موقع لتعلم اللغة الأنكليزية
قضية انحلت بسبب ببغاء!! (قصص واقعية)
![](https://sakat3sh.com/wp-content/uploads/2023/06/maxresdefault.jpg)
أنت الآن على وشك ان تسمع أغرب قضية في حياتك
والسبب أن هالقضية انحلت بسبب ببغاء، يعني ببغاء حكى مع الشرطة واعطاهم الدليل لحل لغز القضية!
القصة رح تبدا بقصة حب بين مراهقين الشب اسمه Marty والبنت اسمها gelnna
في ويوم من الايام في سنة 2005 مارتي كان واقف في نص الطريق في ولاية ميشغان وعطلة سايرته، وفجأة بتعدي بنت من الشارع اسمها gelnna وبتوقف وبتصير تحكي معه وتحاول تتعرف عليه
ومن هون بدءت بيناتهم قصة حب استمرت لفترة طويلة وانتهت بحادثة مفجعة!
لما مارتي وgelnna ارتبطوا ببعض كانوا شوي صغار بالعمر gelnna كان عمرها 17 واعتقد انه مارتي كان اكبر منها ب 5 سنين يعني كان بال23 سنة تقريباً، وخلال 3 سنين بس صار عندهم 3 اولاد
هلا خلينا نمشي لقدام عشر سنين على سنة 2015 السنة الي صارت فيها الحادثة الصادمة
يوم 13مايو 2015 بيصحوا جيران مارتي وغالينا وبقرروا انهم يروحوا لعدنهم عالبيت ويتطمنوا عليها
والسبب كانوا انهم من أكثر من يومين ما سمعوا منهم ولا خبر ولا ردوا على رسائلهم ابداً، وطبعاً الجيران استغربوا هاد الشي لاانهم متعودين طول عمرهم في تواصل دائما بينهم وبين مارت وزوجته يعني مستحيل يمضي يوم بدون ما يتواصلوا مع بعض سواء كان بمكالمة او رسالة او حتى زيارة شخصية
فذلك لما مضي يومين بدون ما يسموا اي خبر عنهم ولا رسالة ولا مكالمة ولا شي، قرروا يروحوا لعندهم عالبيت ويتطمنوا عليهم بشكل شخصي
الجارة الي راحت كان اسمها كوني، كوني راحت لعندهم الساعة 4 ونص العصر، واول ما وصلت على باب بيتهم استغربت وانصدمت قبل ما تدخل عالبيت، لانو الباب كان مفتوح، ومافي اصوات ولا في حدا واقف عند الباب
وهاد الشي مو من عادتهم ابداً انهم يخلوا باب البيت مقتوح، طبعاً هاد الكلام بناء على اقوال الجارة كوني، متل ما قلتكم كانت علاقتهم ببعض قوية جداً
دائماً على تواصل ببعض وبيعرفوا كتير تفاصيل عن بعض لانهم عشرة عمر، فأي تصرف غريب او رح يسحوا عليه ويعروفوا انو هاد الشي مو من عادات جيرانهم.
تابع القصة على اليوتيوب اسم القناة سكطعش
شاهد ايضاً المزيد من قصص مرعبة
المهم كوني فتحت الباب ودخلت عالبيت وأول ما دخلت لاحظت انو اغراض البيت مكركبة كتير وحتى انو في منها اشياء مكسرة.
حاولت تنادي على جارتها ولكن ما حدا رد عليها.
استمرت بالبحث داخل البيت لحد ما وصلت على غرفة نومهم، وفي غرفة النوم كانتgelnna وزوجها مارتي مرمين بالارض في بركة دم وواضح عللى جسمهم أنو الشخصين مضروبين بالرصاص.
كوني ركضت بسرعة لبرا البيت وصارت تصرخ وتطلب النجدة، ولحسن الحظ انو كان في رجال اطفاء موجودين بالمنطقة عم يطفوا حريق سمعوا اصواتها واجوا.
دخلوا شافوا جثثهم ومن أول نظرة فكروا انو الشخصين ميتين، وعلى هاد الاساس اتصلوا بالشرطة واتصلوا بالاسعاف واجوا على مسرح الجريمة,
![قصص واقعية](https://sakat3sh.com/wp-content/uploads/2023/06/90129320_duramcouple_1466703439188_3347645_ver1.0.jpg)
والموضوع هاد استغرق ساعات، لما دخل واحد من رجاال الشركة على الغرفة يفتشها لاحظ انو Gelnna عم تتنفس وتحرك عيونها ولما قرت عليها حتى يلمها ويشوف اذا فعلاً عم تتنفس صارت تصرخ وطلعت عايشة فعلاً.
على الرغم من انها كانت مضروبة رصاصة وان مضي ساعات طويلة على الحادثة الا انها ضلت على قيد الحياة ونقلوها على المشفى واسعفوها.
ولكن الزوج مارتي كان ميت على الاخر لانه كان مضروب ب5 رصاصات.
اثناء التحقيق الشرطة عرفت أنه للأسف الفترة الي كان مارتي عايش فيها كان شبه معاق، لانه في سنة 2010 تعرض لحادث سير اليم جداً وانضرب ضربة قوية على رأسه وانعطب، وصار ما يقدر يعيش لحاله ابداً، كان دائماً محتاج حدا يكون معه لحتى يعمل الاشياء اليومية المعتادة متل انه يصحى وياكل مثلاً والخخخ
لانه اصابته كانت صعبة جداً صار غير قادر على العمل ابداً، وبالتالي حالته الماديةصارت سيئة، مع انه كان يتقاضى راتب شهري من الدولة كتعويض او كمساعدة لحالته الصحية السيئة ولحتى يقدر يعيش
فكان دائماً يحاول يوفر من هذا الراتب بحيث انه ياكل ويشرب بشكل طبيعي ويصمد مبلغ لاخرته.
اما بالنسبة لglenna للأاسف كانت تستغل حالته الصحية السئية وانه ما بيقدر يعمل معها شي، وكانت تاخد منه المصاري وتروح تلعب قمار فيها.
مارتي كان يعرف انها بتلعب قمار لانه هيه كانت تقله انه بتروح مرة او مرتين بالاسبوع، بس هي كانت تكذب عليه وكانت تلعب اكتر بكتير وتصرف وتخسر مصاري اكتر بكتير من المبالغ الي كانت تخبر زوجها عنه
وغير القمار كانت تسحب اوراق يانصيب كتير، يعني حالتها دمار بدمار.
وبسبب اهملها وتبذيرها هاد، خسروا كل المصاري الي كانوا مصدميهن، وصار عليهم ديون كتير لانها كانت ترهن اغراض من بيتها منشان تاخد مصاري وتروح تلعب فيهن، وهي لحد الان بتكذب عليه وبتقله انو كل شي تحت السيطرة وانها قاعدة بتدفع الاقساط والامور كلها تمام.
ولكن فجأة في بداية شهر ابريل أم مارتي بتتصل بأبنها وبتقله انها شافت اعلان بالجريدة بقول انو بيتتهم معروض للبين بالمزاد العلني، لانه كان مرهون وعليه اقساط غير مدفوعة وليش هاد الشي صار لانو gelnna كانت تاخد المصاري وتقامر فيهم
طبعاً مارتي انصدم من الخبر الي سمعه ووجاه زوجته بهاد الكلام ورجعت كذبت عليه مرة تانية، وقالتله انه عالاغلب هاد الخبر نزل بالغلط لاني انا عم ادفعلهم 7000 الاف دولار كل شهر، رح اتصل فيهم واخليهم يصصحوا الخطأ.
للاسف كلام gelnna كله كذب لانو حسابهم في البنك كله على بعضه كان فيه 118 دولار، يعني كل تعب زوجها وشغله والرواتب الي كان ياخددها وكل شي عمله بحياته راح عالفاضي.
طيب هلا بعد ما عرفنا كل هالتفاصيل عن حياتهم، مو صار لازم نعرف مين هجم عليهم واطلق الرصاص ؟؟
اثناء عمليات التفتيش في البيت الشرطة عثرت على رسالة كانت كاتبتها gelnna محتوى الرسالة كان وصية، نعم كانت كاتبة وصيتها او بحسب ما قالوها عنها الشرطة انها رسالة انتحار.
محتوى الرسالة كان موجه لشخص كانت مرتبطة فيه قبل مارتي، وكانت عم تطلب منه انه يدير باله على اولادها ويعتني فيهم.
فوجود هي الرسالة خلا الشرطة تشك انو الي صار في بيتهم هو من فعل gellnaنفسها يعني هي الي قتلت زوجها وحاولت تنتحر بعد ما قتلته.
هلا من الطبيعي انه بعد ما صار عندهم هاد الشك انهم يحققوا معها ويسألوها ليش كتبت هي االرسالة.
ولكن للأسف حالتها الصيحية كانت سيئة وكانت بحاجة الى علاج ورعاية كتير لحتى ترجع تسترجع وعيها وتتذكر كل شي، لذلك الشرطة انجبرت انها تنتظر مدة خمس شهور قبل ما يحققوا معها.
وفي شهر اكتوبر سنة 2015 بدأ التحقيق مع غلينا، ولما طلبوا منها تحكي لهم ايش صار معها يوم الحادثة قالتلهم انها ما بتتذكر ولا شي، وسألوها عن الرسالة ،الي كانت مكتوبة قالتن كمان ما بتذكر اني كتبتها او ما بتذكر ايمت كتبتها بس على ما يبدوا انها رسالة عادية يعني مافيها شي مثير للاهتمام
بالاخير الشرطة صاروا يقلولها بشكل مباشر انو انتي مشكوك فيكي انك انتي الي قلتلتي زوجك وطبعاً صارت تنكر هاد الشي.
بناء على نتيجة التحقيق هي الشرطة ما اعتقلت غلينا ولا وجهولها تهمة بشكل رسمي وتقريباً ناموا عالقضية شوية
وعدى شهر تقريباً وماصار اي شي جديد بالقضية لذلك اهل مارتي صاروا يطلعوا ويحكوا بلالعلام انو الشرطة ما عم تساعدهم وانهم ما عم يحققوا بالقضية بما فيه الكفاية ومنهاد الكلام
وهاد الشي خلاهم يرجعوا يحركوا القضية مرة تانية .
وهنا رح تسمعوا اغرب تويست في حياتكم
مارتي كان عنده ببغاء هاد الببغاء كان عنده من زمان كتير من لما كان متزوج بنت تانية قبل غلينا، يعني عمره أكثر من 10 سنين
بعد ما مات مارتي زوجته السابقة الي كانت تعرف بوجود الببغاء راحت على بيتهم واخدته لحتى تدير بالها عليها، لانو بأول فترة بعد ما مات مارتي ماكان في حدا بالبيت غلينا بالمشفى ومارتي مات فمافي حدا ينتبه عالببغاء
المهم اجت اخدته وبالفترة الي كان عندها الببغاء صار يعيد كلام مخيف جداً.
طبعاً اكيد بتعرفوا انو الببغاء شاطر بتقليد الاصوات وبيتذكر الاوصوات وبقلدها بشكل منيح كتير
والببغاء كان يقلد صوتني صوت امرأة وصوت رجل، الامراة كانت تصرخ والرجل كان عم يقول لا تطلق النار علي
زوجة مارتي السابق بتعرف الببغاء وبتعرف زوجها اكيد، فكانت متأكدة مية بالمية انو الصوت الي عم يقلده الببغاء هو صوت مارتي، لذلك صورت الببغاء وهو عم يحكي وارسلته للشرطة، بعد سنة كاملة من حادثة مقتل مارتي
فيديو
بعد انتشار الفيديو الشرطة بشكل مباشر اعتقلت غلينا ووجهولها تهمة القتل بشكل مباشر، والسبب ما كان بس فيديو الببغاء بل كانت نتائج بعض التحاليل الي كانوا عم يعملوها خلال هي الفترة، منها وجود دي ان اي غلينا على السلاح الي انقتل فيها مارتي
وبعدين اجا فيديو الببغاء، وصار عندهم الرسالة، الي كانت كاتبتها وايضاً شافوا سجل البحث في جوالها في يوم الحادثة كانت عم تحبث عنه مسدس من نفس النوع الي ارتكبت فيه الجريمة
فبناء على هي الادلة تم الحكم على غلينا بالسجن مدى الحياة مع عدم القدرة على الافراج عنها باي سبب
طبعاً غلينا لحد الان ما اعترفت وعم تقول انها بريئة وحاولت اكتر من مرة انها تطعن بالحكم، ولكن في كل مرة ينرفض طلبها لانو كل الادلة الموجودة عندهم بتقول انها هي المجرمة.