مخلوق فضائي جديد!( لماذا لا يخاف العلماء من فيديوهات المخلوقات الفضائية)

مخلوق فضائية الجديد

موضوع المخلوقات الفضائية ووجود المخلوقات الفضائية بالكون معنا هو موضوع شائك جداً وكل مرة بيطلع فيديوهات جديدة وتسريبات جديدة عن المنطقة ٥١ وعلاقتها بالفضائية، وصور وفيديوهات لاطباق طائرة، واخرها نزل قبل فترة قصيرة من تاريخ هاد المقال، اليوم رح احكيلكن قصة الفيديوهات الجديدة الي طلعت وفلسفتي الشخصية حول وجود المخلوقات الفضائية معنا

هي الفيديوهات الي شفناها هي فيديوهات قديمة مصورة ما بين سنة ٢٠٠٤ وسنة ٢٠١٧، خلال هي الفترة الزمنية تصور كتير مقاطع بتخص الفضائيين والبعض منها كان يتسرب وينعرض للناس وفي سنة ٢٠١٢ تم تمويل مشروع سري لدراسة الدلائل على وجود المخلوقات الفضائية وتم تمويل هاد المشروع بمبلغ ٢٢ مليون دولار امريكي

شاهد ايضاً : حقيقة حذاء الشيطان والمغني ليل ناز اكس!

بس كانوا دائماً يطلعلوا ويقولوا انو هي الفيديوهات مفبركة وكاذبة، وهاد الفيديو الي طلع قبل يوم او يومين من تاريخ تصوير هاد الفيديو هو موجود من اكتر من سنتين،وواحد من الاشخاص الي شافوا المراكب الفضائية او الاجسام الي موجودة في هاد الفيديو طلع وحكى عنه بالاخبار بس الي صار حالياً انو الحكومة الامريكية اعترفت بالفيديوهات وقالت انها حقيقة وهاد الشي الي بيخلي الوضع شوي يصير مخيف او مو مخيف هيك بيسبب التوتر لبعض الناس انو اذا الوضع ساء لدرجة انو امريكا الي دائماً بتقول هي الفيديوهات كذب اعترفت فيها وقالت انها حقيقة هذا يعني انو رحنا فيها.

طيب ليش العلماء ماعم يهتموا بالموضوع ولا اخدينه على محمل الجد، اقصد العلماء العاديين مو جماعة المنطقة ٥١، باختصار لانهم بيعتبروا كل هالالفيديوهات والصور غير كافية لانو ما عندهم شي ملموس الفيديو هو مجرد فيديو لا بيقدم ولا بياخر.

اطلع على المزيد من قصص رعب 

اطلع على المزيد من قضايا تم حلها

اما بالنسبة لفلسفتي حول الموضوع انا اظن ان الفضائين موجودين، هاد الكلام لا يمت للواقع بصلة ولا اي شي انما كلام من راسي، الكون كبير كتير ومتل ما البشر عم يطلعوا على الفضاء ويستكشفوا القمر والكواكب التانية لازم يكون فيه مخلوقات تانية بغير كواكب عم يحاولو يعملو نفس الشي، والشي التاني الي بعتقادي بيقول انو في فضائيين هو الصورة النمطية عن الفضائيين، يعني مين قال مثلا انو المخلوقات الفضائيين لونها اخضر وعيونها كبيرة، ليش مثلا مو احمر، قصدي انو شكل الفضائين المعروف عنا من وين اجا، فهذا براي انهم موجودين واشكالهم هيك