واخيراً انحل لغز الغرفة 1502 🙄

لغز الغرفة 1502

Faith Hedgepeth هي بنت من موالد 26 سبتمبر 1992، فيث كان عندها اخت اسمها رولاندا وأخ اسمه تشاد، أمه وابوها انفصلوا لما كنت فيث طفلة رضيعة، وفيث ربيت مع امها واختها الكبيرة.

فيث كانت محبوبة العائلة، لان شخصيتها لطيفة ومرحة، وكمان كانت شاطرة في دراستها وحصلت على منحة لدراسة تخصص علم الاحياء في جامعة نورث كارولينا، هاد الانجاز كان انجاز كبير كتير بنسبة لها ولعائلتها لانو مافي ولا شخص بالعيلة كمل دراسته حتى والدها درس في نفس الجامعة ولكن ما كمل فيها وتركها قبل ما يتخرج، فكانت العيلة كلها متحمسة انو واخيراً رح يصير عنا شخص يدرس ويتخرج من الجامعة

لغز الغرفة 1502

بس الموضوع ما كان كتير سهل مع انو كانت رايحة على الجامعة بمنحة الا انها اضطرت انها تشتغل وظيفتين لانو بحسب المعلومات الي لقيتها على الانترنت انها غيرت تخصصها فما اعتقد ان المنحة بتضل معها بعد ما تغير تخصصها لذلك صارت تشتغل شغل تاني لحتى تقدر تكمل، وكانت ساكنة بسكن اسمه هاوثرن بالطابق التاني بالغرفة رقم 1502.

بالغرفة هي كانت عايشة مع صديقتها من السنة الاولى بالجامعة اسمها كارينا رزاريو، وع كارينا كان ساكن حبيبها ايرك جونز، بس بسبب تلخبط العلاقة بينهن كارينا وايرك انفصلوا، وطلع ايرك من السكن

ولما طلع كارينا غيرت قفل الباب، وهاد الشي زعجه ل ايرك واجا اكتر من مرة حاول يكسر الباب ويقتحم البيت، لذلك راحو فيث وكارينا على الشرطة وبلغوا عن الي عم يصير معن، ونتيجة البلاغ هاد انو الشرطة منعت ايرك من انه يقرب على البيت او الي هي الغرفة الي ساكنين فيها ولا يتعرضلن مرة تانية، يعني متل الي كتبوه تعهد او شي من هاد النوع

فلما يئس ايريك من انه يرجع يسكن معها بالبيت راح وسكن في بناية تانية تابعة لنفس السكن الي اسمه هاوثرن بس انو بالطرف التاني

يوم 6 سبتمبر 2021 كان يوم طبيعي جداً بالنسبة لفيث حضرت فيه كل دروسها، وبعد ما خلصت دروس راحت حضرت افينت الجميعة اسمها الفا باي اوميجا، الفا باي هي واحدة من اقدم الجمعيات النسائية في امريكا، وفيث كان عنده حلم او كانت حابة انها تنضم للجميعة لذلك كانت تحضر كل التجمعات الي بيعملوهن، فحضرت التجمع بشكل عادي ورجعت هي وصديقتها في حوالي الساعة 8 المسا على مكتبة الجامعة لحتى تحضر لمشروع تاريخ لازم تقدمه للجامعة

لغز الغرفة 1502

خلصوا شغلهن وطلعوا من المكتبة الساعة 11 ونص، ولما صارت الساعة 12 وربع تقريباً راحوا على نادي ليلي وبقيو فيه حوالي ساعة ونص، وطلعو منه الساعة 2 و7 دقايق لانو كارينا كانت تعبانة او صارت تعبانة لانها شربت كتير

اطلع على المزيد من قصص رعب 

اطلع على المزيد من قضايا تم حلها

الساعة 3 بالليل جيران فيث بالغرفة الي تحتها سمعوا صوت خبطة جاي من فوقهن ووصفوا الصوت كانو في حدا مسك شي وخبطه بالأرض، والساعة 3 ونص كان في نشاط على حساب فيث على فيسبوك، والنشاط هاد كان عبارة عن محادثة بين فيث او الشخص الي عم يحكي من حساب فيث وبين شخص اسمه براندون، براندون بكون حبيب كارينا السابق.

الرسالة بتكول مرحبا ب رجئاً تعال الى هنا لانا كارينا تحتاج اكتر من ، بتعرف انت، ارجوك خليها تعرف انك مهتم…. وبعدين براندن بعت رسالة سأل فيها مين عم يحكي معي، بس اجاه جواب على هالرسالة وسجل المكالمات والرسائل من موبايل كارينا بيوضح انو كارينا او جوال كارينا كان عم يحاول يتواصل مع براندن بنفس الوقت

والساعة 3 و52 دقيقة في رسالة تانية انبعتت من حساب فيث، بس هالمرة كانت لشخص تاني اسمه مايكل ماكنيل، مايكل بيكون كمان الاكس بوي فرند الي تعرفت عليه فيث من اول ايامها بالجامعة

الرسالة بتقول انا بعرف انك نايم حالياً بس حبيت اقلك اني بحبك كتير

الساعة 4 و25 دقيقة بيجي شخص لاعب كرة قدم اسمه جوردان مكريري، بياخد صديقته كارينا وبيروح، وبحسب كلام كارينا انها طلعت وتركت الباب مو مقفول وراحت مع جوردان، كارينا قضت الليلة عند جوردان ولما صارت الساعة 10 ونص الصبح اتصلت بفيث لحتى تجي تاخدها من عند جوردان وتوصلها عالبيت بس فيث ما جاوبت على جوالها، فاتصلت بصديقة تانية اسمها مارسيل رانغيل

مارسيل ردت عليها واتفقوا انها تجي توصلها على غرفتها والامور كلها تمام لما وصلوا لعند المبنى الي ساكنين فيه شافوا سيارة فيث مصفوفة برا ف فكروها نايمة وما راحت عالجامعة بس لما دخلوا عالغرفة انصدموا ونتيجة صدمتهن كانت هالمكالمة

اول ما دخلوا عالبيت صاروا ينادوا فيث يا فيث وينك يا فيث بس ما كان في جواب ولما دخلوا على غرفتة النوم شافوا فيث شبه عارية وواقعة عالارض ودمها كانت منتشر بالغرفة عالحيطان والارض بكل الغرفة تقريباً، بعد تشريح الجثة تبين انو فيث ماتت بسبب ضربة قوية على راسها، وغير الضرب الي على راسها كان في بعض الرضوض في جسمها وللاسف مافي اثار كسر للباب او اثار اقتحام للبيت وكمان مافي كاميرات مراقبة حوالي المبنى او على مدخل المبنى يعني مافي اي طريقة نعرف اذا حدا دخل عالغرفة أو لا

لما دخلوا على الغرفة وعملوا تفتيش وفحص والاشياء هي شافوا دي ان اي شخص منتشر بالغرفة ونفس الدي ان اي كان موجود على فيث، فهاد الشي بيدل على انو ممكن تكون فيث تعرضت لاعتداء

كان في زجاجة مشروب كان عليها دي ان اي فاخدوها الشرطة كدليل لانو احتمال انها تكون هي الاداة الي تم استخدامها على فيث

جنب جثة فيث كان في رسالة مكتوبة بخط يدوي على كيس ورقي، الرسالة بتقول: انا مو غبي يا ساقطة غيروة، مع انو الدم كان منتشر بالغرفة الا انو هاد الكيس الوحيد الي ما كان واصله الدم، وهاد الشي خلا الشرطة تقول انو المجرم بقي بالبيت فترة بعد الجريمة وانو جاب هالرسالة وحطها بالغرفة بعد ما ارتكب الجريمة

قضايا تم حلها

تم تحليل الرسالة هي من قبل مختصة بخطوط اليد، والمختصة هي قالت انو الشخص الي كتب الرسالة كان عم يحاول يغير شكل خطه لما كتبها وهاد مو خطه الحقيقي

ومدير او رئيس شرطة نورث كارولينا قال انو معد الجرائم في المنطقة هو أقل من واحد بالسنة، يعني الجرائم شبه معدومة بهي المنطقة، بس قضية فيث هي واحدة من اكبر الجرائم في تاريخ نورث كارولينا كله

وفاة فيث عمل صدمة كبيرة بالجامعة، وحتى انهم عملولها وقفة تكريم

وفي شي غريب صار بالقضية انو كل معلومات القضية كانت موجودة عند القاضي، و القاضي محتفظ فيها وما عم ينشرها للعموم، حتى اهل فيث في بعض المعلومات ما عرفوها لوقت متاخر مثلا متل الرسالة الي كانت متروكة بالغرفة، هي المعلومة ما عرفوا فيها الاهل لوقت متاخر، وموضوع التعتيم عالقضية كان غريب وغير معتاد بصراحة، والكل كان مستغرب منه، وفي صحيفة او مجلة تابعة للجامعة نشروا مقال في شهر نوفمبر 2012 عم يطالبوا فيه بفتح القضية والتحقيق فيها، الا انو كان جواب القاضي على هاد الطلب ان القضية رح تضل مسكرة 45 يوم كمان

وفي شهر ديسمبر سنة 2012 الاف بي اي تدخلت بالموضوع وصاروا يساعدوا شرطة المنطقة بانهم يعملو كريمنال بروافيل، الي هي انهم يحاولوا يجمعوا صفات ممكن تكون موجودة بالمجرم من خلال الدلائل الي عندهم على امل انهم يوصلوا للشخص المطلوب، وبالمعلومات هي قالوا انو على الاغلب المجرم على معرفة ب فيث او حتى ساكن بمكان قريب منها

واخيراً في شهر يوليو 2014 الاف بي اي نشروا ملف عبارة عن 300 صفحة كله فيها كل تفاصيل القضية والادلة عنها ونشروا تقرير الطبيب الشرعي، وقتها الناس عرفوا كل التفاصيل بدقة

وفي دليل جديد طلع، هاد الدليل هو عبارة عن تسجيل صوتي ارسلته فيث في الليلة الي ماتت فيها لصديقة من صديقتها اسمها يونا بعد ما اتصلت فيها 3 مرات وماجاوبتها بعتت هالتسجيل.

المشكلة انو صوت التسجيل كان غير واضح ابداً، بعض الاشخاص قالوا انو عالاغلب الصوت كان صوت النادي الليلي الي كانت فيه قبل ما تموت، وناس تانيين قالوا لا الصوت هاد عبارة عن عراك وجدال بين شخصين وكان معصبين عبعض والحكي تقيل

التسجيل هاد وصل لشخص مختص بالصوتيات وعنده خبرة 30 سنة، اخد التسجيل وحاول يحلله ويحسنه او يحاول يفهم الكلام الي فيه، والنتيجة الي طلعت معه هو انو التسجيل فيه 4 اصوات، صوت ذكرين وصوت انثتين، والصوت الي رح تسمعوه رح يكون مكتوب عليه الكلام الي استخرجه الخبير من المكالمة والي يعتقد انه الكلام الحقيقي الي كان بالتسجيل

طبعاً التسجيل هو عبارة عن صراخ وشتائم لذلك ما ترجمته لانه مافي شي يترجم، وللمعلومة ان وقت التسجيل كان تقريباً بحدود الساعة 1 ونص، وبحب ما شفنا من الكاميرا الي موجودة بالنادي ان فيث وصديقتها طلعوا من النادي الساعة 2 و7 دقايق يعني طلعوا بعد الجدال سلييمين مافيهن شي، اضافة الا انو الخبير الصوتي وبعض الاشخاص قالوا انو جوال فيث وصديقتها التنين فيهن مشكلة بالوقت يعني الوقت فيهن مو دقيق، وفيهم تاخير بالشبكة، يعني باختصار عم يقولوا انو المكالمة ماصارت لما كانوا بالنادي، بس الشرطة ننفت هالشي وقالت انو سجل المككالمات كمان مطابق للوقت يعيني الوقت صحيح

والشباب الي بانو معها بالكاميرا وهنن طالعين من الباب كمان اخدو منهم دي ان اي لحتى يقارونهم مع دي ان اي المجرم وكلهن ماكانوا مطابقين

والسنين مضت وماحدا قادر يوصل لحل للقضية، وماتم اعتقال او الاشتباه باي شخص لانهم ما عندهم ادلة ضد احد، والدي ان اي الي موجود بالبيت كان غير معروف يعني مو مسجل عندهم ما بيعرفوا مين صاحبه

وصلنا لسنة 2016 ولحد الان مافي اي شي جديد بالقضية لحد ما اجت شركة مختصة بتحليلات الدي ان اي، اخدت عينة من الدي ان اي الي عندهم ومن خلالها حاولوا يتوقعوا صفات المجرم انو من خلال الجينات الي موجودة بالدي ان اي حاولوا يركبوا صورة ببمجرم مثلا لون عيونه بشرته شعره والخ، وقال انو احتمال كبير يكون المجرم من اوصل لاتينية، او مكس بين امريكي واوربي، بس كانوا مشدين اكتر على انه لاتيني

لحد الان ما بيعرفوا مين هاد الشخص بس كانوا شاكين بايرك حبيب كارينا السابق الي تقلع من السكن، هاد الشخص كان فيه حواليه شكوك كتير، لانو في مكالمة بينه وبين فيث وهو عم يهددها بالقتل، والسبب كان انو ايرك مفكر انو فيث عم تخربي علاقته مع صديقتها كارينا وانو هي الي عم تقلبها عليه

وكمان كان في رسالة باعته ايرك لشخص كاتب فيها سامحني على الشي الي رح اعمله تاريخ الرسالة 6 سبتمبر يعني قبل مقتل فيث بيوم ونفس الجملة كانت مكتوبة على تويتر وبعد تلت ايام من مقتل فيث، ايرك نشر على الفيسبوك جملة غريبة كتب فيها يا الهي سامحني على كل ذنوبي الي عملتها وعالذنوب الي ممكن اعملها اليوم واحميني من كل البنات الي عم يتمنولي الموت اليوم

الشرطة شافوا هي الاشياء انها غريبة لذلك راحو لعنده عالبيت وفتشوا بيته وما شافوا شي واخده منه دي ان اي كمان ما طلع مطابق والشرطة قالوا انه كان متعاون وساعدهم لهيك استبعدوه وحتى انه ايرك طلع بالاعلام وصار يحكي كلام كويس عن فيث انو هي لطيفة و و و الخخخ

مع انه تم اسبتعداه كشخص يعني مافي دليل ثبت عليه هو شخصياً الا انه بقي برسون اوف انترست يعني ممكن يكون هو عارف المجرم او عنده اسرار تانية، مو بس ايرك كارينا كمان، ووالد فيث قال انو هو شاكك في كارينا انها بتعرف ايش اللي صار بس ما عم تحكي

طبعاً الشك ما كان جاي من الهوا، بل كان مبني على بعض التصرفات الغريبة الي عملته كرينا يوم الحادثة، مثلا انها ما ذكرت اسم صديقتها مارسيل الي كانت معها لما شافوا الجث، وماذكرت اسم فيه بمكالمة ال911 ابداً مع انها بتعرفها وهي صديقتها وكان عندهم بعض الشكوك انو كارينا ماكانت عم تحكي الحقيقي

اضافة الى هالشي انو بعد ما دخلوا كرينا ومارسيل على الغرفة جارهم من السكن طلع لعندهم وشافهم مارسيل عم تبكي بشكل خفيف جداً، وكارينا كانت عم تبعت رسائل واقفة وعم تبعت رسائل يعني منظرهم او تصرافتهم مو تصرفات شخص شاف صديقه ميت قدامه او على الاقل ما كان في ملامح صدمة عليهم مع انو الشخص الي ميت قدامهم هو صديقتهم وكمان ليش كارينا لما طلعت من الغرفة الساعة 4 الصبح وراحت ماقفلت الباب وراها مع انه لازم ينقفل

طبعاً هي مجرد شكوك وتسالات لذلك ما قدروا ياخدو كارينا للاحتجاز او للتحقيق لان ماثبت عليها شي، بس لعد ما صارات الاشياء هي كارينا انتقلت من بيتها وبطلت تحكي عن قصة فيث ، وصارت لما يتصلوا الشرطة فيها ويسألها ما ترد وما تساعدهن بالقضية

وتتذكروا الرسائل الي قلتكن انبعتت من حساب فيث في ليلة الحادثة، اي كل الاشخاص الي شافوا الرسائل بما فيهم الشخص الي وصلته الرسالة قال انو الكلام مو كلام فيث وانو فيث ما بتحكي بهالطريقة ابداً

والمحققين كانوا مصرين على انو المجرم شخص بيعرف فيث، لانو بحسب الادلة والوقت والطريقة الي صارت فيها الجريمة بتقول انو المجرم بقي بالغرفة فترة بعد ما قتلها وعرفوا هالشي من الرسالة الي كانت مكتوبة، والمجرم ما ممكن يكون يبقلا بمسرح الجريمة كل هالمدة الا اذا كان عارف ومتاكد مية بالمية انو اولاً مافي حدا بالغرفة غير فيث ومحدا رح يجي عالغرفة بعد مايدخل، يعني كانهم عم يلمحو انو في اتفاق ممكن بين كارينا وبين المجرم انو تفضي الغرفة وتامن المكان وكذا

طبعاً مافي دليل على هالشي بس انو هي الشكوك كانت

وقضية فيث بقيت كولد كيس لسنوات طويلة حرفياً عشر سنين، لحد ما اجى شهر سبتمبر سنة 2021، في هاد الشهر في شخص اسمه ميغيل انريكي، البالغ من العمر 28 سنين تم توقيفه بسبب مخالفات المرور كان يسوق بدون شهادة كان يسوق وهو سكران وماكان عامل تأمين وكتير مشاكل تانية

الغرفة 1502

لما اعتقل هاد الشخص اخدو منه عينة دي ان اي من ضمن التحقيق الي عم يعملوه معه طبعاً هنن ما بيعرفوا هالشخص ولا حدا تاني بيعرفه ولا مشتبه فيه ولا شي، بس الدي ان اي تبعه طلع نفس الدي ان اي الي موجود في غرفة فيث وعلى جسمها

اترك ردّاً